Services

Sulisuusimasut politiinut suliassanngortinneqartut

Kommuneqarfik Sermersuup sulisuusimasut aamma siusinnerusukkut pisiortorfigineqartarsimasoq aningaasanik peqquserluuteqarsimasutut pasillugit sisamanngornermi oktobarip ulluisa 7-ianni politiinut suliassanngortippai.

Tamanna allaffeqarfimmi pissutsit pasinartut aamma kommunip aningaasaqarneranut annertuumik annaasaqaataasinnaasutut paasineqartut tunngavigalugit pivoq. Politiit paasiniaanerisa kommune suliami ilalerpassuk, taava kommunimi sulisuusimasut taarsiissuteqarnissaannik piumasaqaateqarluni suliassanngortitsisoqassaaq.

Kommuneqarfik Sermersuumi borgmesteri Charlotte Ludvigsen oqaaseqarpoq:

– Inatsisinik unioqqutitsinerit akuerinngilakka. Innuttaasut aningaasaataat aquppagut, taamaattumik uagut pisortatut inatsisinik unioqqutitsinerit paasigaangatsigit pisussaaffeqarpugut qisuariarfigissallugit. Kommunip unnerluutiginninneranik politiit suliaqarnissaat qilanaarivara, tamanna inatsisinik peqqissaartumik misissuereernikkut pivoq.

– Allanik oqaaseqaatissaqanngilanga. Suliaq politiinut tunniunneqareerpoq, taakkulu misissuinerat utaqqissavarput, Charlotte Ludvigsen oqarpoq.