Oktobarip ulluisa aallaqqaataat Naalagaaffiit Peqatigiinniit nunani tamalaani Utoqqarnut ulloritinneqarpoq, Nuummilu Illorsuarmi Timmersortarfimmi aamma Utoqqaat Illuanni utoqqarnut assigiinngitsunik aaqqissuussisoqarneratigut malunnartinneqarluni.
Nuummi Illorsuaq Timersortarfimmi utoqqarnut Arctic Elder Gamesertitsisoqarmat qiimasunik nuannattunillu inuaqerpaluppoq – kingornagullu sapaatip akunnerata qaangiunnerani naggataarnersiornermi soorunami nallukattanik qangatoortumik Olsenimik unammersuaarneqarpoq.
Unammiuaarnissamut kissassinnginnermi ulloq aallarnerlugu erinarsoqatigiittoqarlunilu tamalugassaminernik tamusserput. Nalunaaqutaq 11:45, Arctic Elder Gameserneq aallartippoq.
Unammiuaarnermi ilaatigut assigiinngitsut pingasut uku pineqarput One Foot High Kick lege, eqitarneq, naakkiarneq aamma nakatarneq. Aamma bowling volleyballilu ingerlanneqartussaagaluarput, utoqqaalli unammeqattaarnermik qasuallaalermata naatsorsuutigisamiit ulloq siusinnerusukkut naammassineqarpoq.
Assit matuma kinguliini takusinnaavatit.
Nalunaaqutaq 13:30 poortuineq pivoq. Olsenimik unammisaqattaarneq marlunngornermi oktobarip tallimaani ingerlanneqarpoq, aqaguanilu naggartaarnersiorneq akissarsiassanik agguaassinertalik qummoroortartornertalilllu ingerlanneqarluni.
Angutini amerlanernik kultinnappoq Kristian Nielsen, taanna unammissutini rollatorerluni One Foot High Kick, eqitarneq aamma naakkiarneq ajugaasuuvoq.
Arnani amerlanernik kultinnappoq Dina Vilain, unammissutini rollatorerluni One Foot High Kick, eqitarneq aamma nakatarneq.
Olsenimik unammersuarnermi Ado Rosing kultinnappoq.
Ujaminnattassat saniatigut Utoqqaat Illuat ingerlaartinneqartartussamik pokaliliorsimavoq, taallugu Kamik. Taanna pokali Utoqqaat Illuanni immikkoortortamut kultinnannerpaamut tunniunneqassaaq – tamatumuunalu Tungiu Silarleq arfinilinnik kultinnannikuugami pokalinnattuuvoq.
Ajugaasut assingi matuma kinguliani takusinnaavatit.
One Foot High Kick 
Nakatarneq 
Eqitarneq
Kristian Nielsen 
Ado Rosing 
Dina Vilain
