Kommuneqarfik Sermersuup Linda Hegelund, Mina Silassen aamma Ulla Sievertsen suleqatigilerpai, taakkulu pitsaasunik akikitsunillu nerisassiornermik kiisalu ilinnut avatangiisinullu iluaqutaasinnaasumik atoqqiinermik ilitsersuussinnaavaatsit. Atuartitsineq kommunip Facebook-imi qupperneratigut saqqummersinneqartassaaq, taamaalilluni piffissaqaraangavit sukkulluunniit takusinnaasassavat!
Nerisassarsiutissannik aningaasanik sipaarusukkuit, spaghettillu ketchupillit qatsullugit, taava Linda Hegelund aamma Mina Silassen ilinniartitsinerat malinnaaffigisinnaavat. Sapaatip-akunneri arfineq-pingasut tulliuttut sapaatip-akunneranut ataasiarluni aningaasarpassuit atunngikkaluarlugit illinnarsaakkanik nerisassianik malitassanik saqqummertoqartassaaq. Atuartitsineq katiterneqartassaaq Kommuneqarfik Sermersuullu Facebook-ikkut qupperneranut saqqummersinneqartassalluni, taamaalillutit isiginnaarsinnaasassavat takoqqillugilluunniit piumagaangavit. Kaakkaangavillu.
Pitsaanerusumik atoqqiinikkut angerlarsimaffiit kusassaruk
Ulla Sievertsenip atorsinnaajunnaarsimarpasittunik kusassaanissamut ilitsersuussinnaavaatit. Ulluinnarni eqqakkat pinngortitameersullu takorloorsinnaanngisannut sorpassuarnut atorneqarsinnaasut. Taamaattumik angerlarsimaffinnut tunniussassanik allanilluunniit kusassaatinik suliaqarneq ilinniarusukkukku ilinniartitsinermi immikkoortut sisamat assigiinngitsut, sapaatip-akunneri marlukkaarlugit saqqummersinneqartartussat, isiginnaarsinnaavatit.