Uani nutaarsiassat eqikkarlugit takuneqarsinnaapput suliassat suliarineqartartut Sermersooq Kommunemi tekniskemi immikkoortortaqarfik avatangiisit – aamma eqqakkat pillugit sullissivimmi.
Qisunnik atoqqiineq
Kalaallit Nunaanni nalinginnaasumik orpinnik annertuumik peqanngilaq, taamaakkaluartoq Sermersooq Eqqakkanik tigooraavimmi Nuummiittumi qisunnik annertuumik ullut tamaasa tunniussisoqartartoq ilisimavaat.
Ikuallaavik ikuallatassanik annertunerpaaffissaminik ingerlarsorpoq, tamannalu Sermersooq Eqqakkat pillugit sullissivimmi allanik ujartuinissarput eqqarsaatersuutigisimavarput.
”Qisunnik ilisivipput annertusiartuinnarpoq, tamannalu qisunnik atoqqiinissamik isumaliulersitsivoq:” Taama Avatangiisinut pisortaq Frank Rasmussen oqarpoq.
Siullermik palitsit tunniunneqartartut annertuut ukkatarineqarput, tassami palitsit aammalu qisuit poortuinermi atorneqartartut 30-50% miss. eqqakkatut tunniunneqartarput.
Piffissaq ungasinnerusoq suliffeqarfinni immikkoortitserineq sukannersumik peqqussutigilissavarput, imaappoq qisunnik mingutsinneqanngitsunik tunniussisoqartassaaq, qisuit mingutsitanut akulerutsinnagit. Qisuit mingutsitat akulerussimatillugit atoqqiineq pisinnaanngilaq, tamannalu eqqakkanik tunniussinermi immikkoortinneqanngitsut akisunerungaatsialissallutik. Imaappoq suliffeqarfiit immikkoortitserinermik pitsanngornerunissaat anguniarutsigu, aamma suliffeqarfinnut iluaqutaassammat, tassuuna qisunnik eqqakkanik akigititagut tunniussinermi appasinnerpaaffissaminiilersinnaammata.
Eqqakkat Pillugit Tigooraavik Eqqakkat Pillugit Sullissivimmiittumi aallartisarpoq annertuumik qisunnik immikkoortitserinermik, qisunnik mingutsinneqanngitsunik aammalu palitsinik. Taakkualu Qallunaat Nunaannut atoqqiisarfimmut ingerlatinneqaqqittassalutik.
Sermersooq Eqqakkat Pillugit Sullissivimmi 3600 tons miss. Annertugisumik 2020-imi qisunnik tigusisimavoq.
EQQAAMAJUK: Eqqaaviit inississagakku malittarisassat nutaat tunngavigalugit.
Eqqakkat, nukissiuutillu kisitsisinngortinneri
- Piffimmi ima amerlatigisut 1744-it suliffeqarfiit sullinneqarput. Imaappoq ullormut 56-it sullinneqartarput.
- Ikuallaavimmi ikuallanneqarput eqqakkat 792 tonsit, ulloq unnuarlu ataatsip ingerlanerani 25,55 tonsiullutik
- Kissarneq pilersinneqartoq ikuallaavimmit 1125,6 MWh-iuvoq.