Eqqakkat Avatangiiserlu

Pilersaarutaasumik ikuallaavimmik matusineq

Nalunngiliuk ikuallaavik matuneqartartoq ukiumut pingasoriarluni?

Taamaaluiortarpugut ikuallaavik ukiup sinneranut ingerlanissaanut qularnaarniarlugu, taamaaligaangallu maskiinat atortui tamaasa misissorneqartarput aserfallatsaaliorneqarlutillu, amigaateqartoqarpallu ajoquteqartoqarpalluunniit taarsersorneqartarlutik.

Taamaammat isumannaarneqartarpoq ikuallaavik eqqakkat Nuummi pilersinneqartut, sineriammilu nunaqarfinniit illoqarffiinniillu allanit tikiussuunneqartartut ikuallanneqarsinnaanerannut.

Eqqagassat ikuallatassat annertuut pilersinneqartarput. Nuummiinnaq eqqagassanik ikuallassinnaasunik pilersuisoqartarpoq ullormut 40 tons miss. Taamaammat ikkuallaavik matoqqatillugu eqqakkat ikuallanneqartussaagaluit poortorneqartarput toqqorneqarlutillu. Tamannalu assigivaa ulluinnarni periuserisaq Kommunemi sumiiffinni allani nunaqarfinni illoqarfinnilu.

Naleqquttumik ajornaatsumillu eqqagassalerineq

Eqqakkat ingerlaannaq ikuallanneqarsinnaanngikkaangamik, plastikkimut poortorneqarnissaannut naleqquttuutinneqarpoq.

Eqqakkat aserorterlugit naqinneqarlutik katersorneqartarput, maskiinamillu plastikkimik issussuumut poortorneqartarlutik. Taamannak eqqakkat poortorneqartarnerannut uumasuaqqat igitallu tipeqarnissaat millisinneqartarpoq. Nuummi eqqakkat poortorneqarnikut, ikuallaaviup eqqaanut inissinneqartarput, ikuallaavik ingerlaqqilernissaata tungaanut.

Eqqakkanik poortuineq ingerlanneqarnikuuvoq ukiorpaalunni, soorlu Tasiilami, Paamiuni nunaqarfinnilu arlalinni. Tamanna periusiuvoq eqqakkat toqqorneqartarnerannut umiarsuarmik assartorneqannissaata tungaannut. Eqqakkat ikuallanneqarsinnaasut Nuummukaassassat periuseq taamaattoq atorlugu annikillisarneqarpoq eqqaavissuarni nunaqarfinniittuni illoqarfinnilu.

Eqqagassaatitit amerlanertai suli igissinnaavatit

Ikuallaavik matoqqagallaraluarluni eqqagassat amerlanerpaartai eqqagassanillu eqqaaneq suli atuuppoq. Eqqagassat massakkut tigusinnaangisagut tassaapput eqqakkat isertuussallit. Taanna peqqutaavoq eqqakkat isertuussallit ingerlaannaq ikuallanneqarsinnaannginnerannut, ikuallaavik ingerlannginnera peqqutaalluni.

Eqqakkat pillugit sullissivimmiit naatsorsuutigineqarpoq ikuallaavik matoqqassasoq 8. august tikillugu.