Innuttaasunut

Nuummi Nunat Avannarliit Kulturisioqatigiinnissaannut billitsisigit!

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

2021-mi Nuummi Nunat Avannarliit Kulturisioqatigiinnissaat maanna pisinnaanngorpoq, ilaatigut Àsgeir, Pukuut, Odin Teatret, Iben Mondrup, Jeanette Ehlers allarpassuillu takuneqarsinnaapput. Nittartakkakkut pisariitsumik pilertortumillu billetsisisinnaavutit.

Qaammatit pingasuunngitsulluunniit qaangiuppata 2021-mi Nuummi Nunat Avannarliit Kulturisioqatigiinnissaat  aallartissaaq. Ukioq manna kulturisioqatigiinneq oktobarip 28-aniit oktobarip 31-annut ingerlanneqassaaq, billitsillu maannakkumiit pisiarineqarsinnaalerput, linki una aqqutigalugu

Ulluni sisamani kulturisioqatigiinnermi nipilersornermut, eqqumiitsuliornermut kulturimullu tunngasunik ilalimmi akit:

Meeqqanut 0-iniit 12-inut ukiulinnut – AKEQANNGILAQ

Inuusuttunut 13-iniit 17-inut ukiulinnut – 149 kr.

Inersimasunut 18-iniit qummut ukiulinnut – 299 kr.