60-inik ukioqaruit imaluunniit utoqqaaneriguit, utoqqaallu atugaannik soqutigisaqartuuit? Taamaappat maannakkut Kommuneqarfik Sermersuumi Utoqqaat Siunnersuisooqatigiiffiannut ilaasortanngornissannut periarfissaqalerputit.
Kommuneqarfik Sermersooq 2013-imiilli utoqqarnik siunnersuisooqatigeeqalernikuuvoq.
Utoqqat Siunnersuisooqatigiit anguniagaat tassaapput:
- kommunip utoqqarnut tunngasunik politikkimik ilusilersuineranut piareersaasiorneranullu atatillugu kommunalbestyrelsimut siunnersuisartutut atuunnissaq
- kommunimi innuttaasunut utoqqarnut tunngasunik oqallinnermi peqataanissaq
- kommunimi innuttaasut utoqqaat kommunalbestyrelsillu akornanni attaveqaatitut atuunnissaq
- kommunimi innuttaasut utoqqaat atugarisaat pillugit paasissutissiinermik siuarsaaneq
- kommunimi peqatigiiffinnik, atuisut siunnersuisoqatigiivinik suleqatigiikkuutaanillu kommunimi utoqqaat atugaannik pitsanngorsaaniarlutik sulisunut suleqataanissaq isumassarsiornissarlu
- sulinikkut utoqqaat namminneerlutik aalajangiisinnaanerannik, oqaasissaqaqataanerannut, inuunerminnilu assigiiaartumik atugassaqartitaanissaannik siuarsaanissaq.
Inuit ataasiakkaanut tunngasut, ilaatigut qinnuteqaatit naammagittaalliutillu Utoqqaat Siunnersuisooqatigiinniit suliarineqarneq ajorput.
Nutaanik ilaasortassarsiorpugut
Kommuneqarfik Sermersooq ilaasortanik tallimanik nutaanik ujaasivoq – Najukkat sumiiffinni assigiinngitsuneersinnaappata iluassaaq. Utoqqaat Siunnersuisooqatigiit ukiumut sisamat arfinillu akornanni ataatsimiittarput, ataatsimoorlutik imaluunniit oqarasuaatikkut tamakku pisarput.
Inuttut ataasiakkaatut imaluunniit peqatigiiffik sinnerlugu sassartoqarsinnaavoq. Siunnersuisooqatigiinni ilaasortaaneq nammineq kajumissutsimik sulineruvoq akissarsiaqarfiunngitsoq.
Utoqqarni Siunnersuisooqatigiinni ilaasortaaneq Kommunalbestyrelsip qinigaaffia malittarpaa, taamaasilluni ukiut ilaasortaaffiit 2021-miit 2025-p tungaanut sivisussuseqassaaq.
Qinnuteqaatit nassiuguk
Apeqqutissaqaruit si@sermersooq.gl –mut allannissannut tikilluaqqusaavutit. Aamma Utoqqarnik Sullissivimmi pisortaq Arnannguaq Heilmann Christensen oqarasuaataannut 36 81 42-mut sianersinnaavutit.
Aamma nittartagarput qimerluualaarsinnaavat uani: https://sermersooq.gl/kl/committee/utoqqaat-siunnersuisoqatigiiffiat/ – Tassani Utoqqaat Siunnersuisooqatigiivisa malittarisassaat, ataatsimiinnermilu imaqarniliaat atuarsinnaavatit.
Qinnuteqaatit kingusinnerpaamik juulip ulluisa aallaqaataanni 2021-mi si@sermersooq.gl -mut nassiuguk.
Qinnuteqaat allakkatigut aamma nassiunneqarsinnavoq uunga:
Suliffeqarnermut Isumaginninnermullu Ingerlatsivik
Kuussuaq 2
3900 Nuuk
Meqqi: Utoqqaat Siunnersuisooqatigiit