Juunip ulluisa aallaqqaataanni, nal. Pingasuniit arfineq-marlut tungaanut Meeqqat Ulluat inuusuttut klubbianni NUIF-imi malunnartinneqarpoq. Pinnguartoqarluarlunilu nuannisangaarfiuvoq.
Illarpalaaq, pølsersunnialaannguaq, ualikkullu seqerngup arfineq-pingasunik kiassuseqarluni qinngornera
Meeqqat Ulluat, inuusuttut klubbianni NUIF-imi juunip ulluisa aallaqaataanni malunnartinnerani misigisaqartitsilluarpoq.
Meeqqat pississaarsinnaaniassammata NUIF-ip silataani trampoliina inissinneqarsimavoq. Nukittuneqqusaassinnaaniassammatalu qilerutimik nusuttaariffigisinnaasaannik madrasersuarmik pullattakkamik piareersisoqarnikuuvoq.
NUIF-ip iluani nerrivimmi arsaarartarfik, pinnguaatit, spilit, kamaattartuusaarnermut atisarissaatit pullartakkat, aliikutaasinnaasullu allat atugassanngorlugit saqqummiunneqarsimapput. Meeqqat susassaqarluartitaaput.
Sulisut paarseqataammata angajoqqaat sulereernerup kingorna qasoorlutik Meeqqat Ulluat malugilluarpaat.
