Services

Nuummi Eqqumiitsulianik Saqqummersitsivik erfalasut eqqumiisuliat 13-nit saqqummersilerpai

Juunip pingajuaniit 13-iat ilanngullugu Nuummi Eqqumiitsulianik Saqqummersitsivik eqqumiitsuliortut erfalasuliaat 13-nit, Holmip illuata silataani erfalaarnikut saqqummersinnialerpaat.

©Miki Jacobsen – Nuummi Eqqumiitsulianik Saqqummersitsivik

Eqqumiitsuliortoq Gudrun Hasle Nuummi Eqqumiitsulianik Saqqummersitsivik suleqatigalugu eqqumiitsuliortut nunani assigiinngitsuneersut peqatigalugit suliniut FLAG//ERFALASOQ-mut atatillugu erfalasut 13-it sanaarisimasatik Holmip illuata silataani apriili 2019-miit maaji 2021 ilanngullugu erfalatsissutigineqarsimapput.

Erfalasuliat juunip pingajuaniit juunip ulluisa 13-iat ilanngullugu Nuummi Eqqumiitsulianik Saqqummersitsivimmi saqqummersinneqassapput.

Juunip ulluisa qulinganni eqqumiitsuliortut FLAG//ERFALASOQ pillugu saqqummiiumaarput. Piffissaq saqqummersitsiviup nittartagaani Facebookkiatigullu nalunaarutigineqarumaarpoq.

Nuummi takutinneqarnerisa kingorna erfalasuliat Qallunaat Nunaanni saqqummersitsivinni assigiinngitsuni saqqummiunneqarumaarput.

Suliniut Statens Kunstfondtimiit Nuummi Najukkami Ataatsimiititaliamiit taperneqarpoq.

Eqqumiitsuliortut peqataasimasut

 Miki Jacobsen (GRL) – Jóhan Martin Christiansen (FO) – Gudrun Hasle (DK) – Klara Hobza (CZ) – Jeannette Ehlers (DK) – Jacob Borges (DK) – Gukki Nuka (GRL) – Ivínguak’ Stork Høegh (GRL) – Hesselholdt & Mejlvang (DK) – Máret Ánne Sara (NO) – Paarma Brandt (GRL) – Jette Hye Jin Mortensen (DK) – Sonya Kelliher-Combs (US)