Corona: Sermersuumut ima sunniuteqarpoq

01/06/2021 : Killilersuinerit atorunnaarsinneqalerput

Atuarfiit meeqqeriviillu ammaannassapput
Nuummi coronamik napparsimasoqarnera pillugu Corona pillugu allatseqarfimmiit malinnaaffigeqqissaarneqarpoq, maannakkuugallartumillu Kommuneqarfik Sermersuumi atuarfiit meeqqeriviillu nalinginnaasumik ammaannassapput. Innuttaasut kommuniup nittartagaatigut aammalu tusagassiutitigut malinnaalluarnissaat kaammattorneqarput, allanngortoqariasaartoqarnissaa periarfissaammat.

Bussini killilersuinerit qanermullu assiaquteqarnissaq
Bussinik angallanermi killilersuisoqaqqilerpoq. Ullumikkuminngaannit bussini issiaviit issiavigineqarsinnaasut aallaavigalugit bussit ilaasoqarsinnaalerput. Taamatuttaaq bussinut ilaassaagaanni qanermut assiaquteqarnissaq piumasaqaataalerpoq. Malittarisassat ataasinngorpat maajip 31-ata tungaanut atuukkallarput.

Utoqqaat illuisa pulaartunik killilersuilernerat
Nuummi covid-19-imik tunillatsittoqarsimaneranik siumuisoqareersorlu Nuummi utoqqaat angerlarsimaffiit pulaarneqartarnertik killilersorusuppaat, taamaasillutik ilaqutaasut pulaarnaveersaarnissaat imaluunniit pulaartarnerat annikillisinneqarnissaat kaammattuutigaat. Utoqqaat illuini sulisut aammalu najugaqartut akiuussutissamik kapitereernikuupput, taamaammat utoqqaat illuini tuniluuttoqarsinnaanera ernumanarpallaanngitsoq nalilerneqarpoq. Pulaartukinnerunissamik kissaateqarneq mianersorluarnerunissamik aallaaveqarpoq.

Innuttaasunik Kiffartuussivimmut saaffiginnissutit tamarmik oqarasuaatikkut ingerlanneqassapput
Innuttaasunik Kiffartuussivimmut saaffiginnissutit tamarmik mailikkut, oqarasuaatikkut imaluunniit qarasaasiakkut immersuinikkut ingerlanneqassapput. Tamanna coronavirusimik tunillaassuisinnaanermik pinaveersaartitsinissamik tunngaveqarpoq. Pinaveersaartitsineq massakkorpiaq atuuttussanngortinneqarpoq. Qanoq ilillutit piffissamik inniminniissanerlutit uani atuaruk.

Timersortarfiit matoqqassapput
Kommuneqarfik Sermersuumi timersortarfiit eqaarsaartarfiillu Nuummiittut Corona peqqutigalugu killilersuinerit nutaat atuutilersut pissutaallutik maajip 31-ani ataasinngorneq ilanngullugu matoqqassapput. Naluttarfik Malik, Inussivik, Nuummi Illorsuaq Timersortarfik (Godthåbhallen) kiisalu atuarfinni eqaarsaartarfiit matoqqassallutik.

Kulturikkut aaqqissuussat unitsinneqarput
Kommuneqarfik Sermersuumi kulturikkut aaqqissuussat tamarmik unitsiinnarneqarput. Kommuunip aaqqissuussaanni, tassa Nuummi Najukkami Ataatsimiititaliamiit aaqqissuunneqartoq, arfininngorpat maajip 29-ani Nuutoqqami ingerlanneqartussaagaluaq unitsiinnarneqarluni.

Najuulluni ataatsimiinerit taamaatinneqarput
Nuummi coronamik tunillatsittoqarsimaneranik siumusoqaareersorlu, Nuummi Kommuneqarfik Sermersuumi najuulluni ataatsimiinerit tamarmik atorunnaarsinneqarput. Siullermik ullumikkumiit ataasinngorpat maajip 31-ata tungaanut atuuppoq. Najuulluni ataatsimeeqqusaannginnerit illup iluani kiisalu illup avataaneersunut atuuppoq.