Ittoqqortoormiut septembarimi ulluni 14-ini Tasiilamiit qilaatersornerup piorsarsimassutaatigut ilinniartitaanissaminnut periarfissaqassapput
Septembarimi Ittoqqortoormiini innuttaasut qilaatersornermik ilinniarnissaminnik periarfissaqassapput.
Charlotte Pike, Ittoqqortoormiini Peqqinneq Susassaqartitsinerlu pillugu immokkoortortami aqutsisoq, Tasiilamiit Ittoqqortoormiinut qilaatersornermik pikkorissaasut ulluni 14-ini pikkorissaajartorlutik tikinnissaat aaqissorsimavaa. Pikkorissartut qilaat qanoq atornissaa, angutit arnallu immikkut qilaat qanoq atugarissaneraat, timi qanoq aalatinneqartassanersoq qilaallu qanoq kaanneqartassanersoq ilikkassavaat.
“Ilimagivara innuttaasunut eqiiallaataassasoq inuiattullu pingaartitatta ilaa ilitsersuutaaqqippat kulturitsinnut pingaartitsineq saqqummeqqissasoq. Soorlu ulluinnarni sammisanngortinneqarsinnaanissaa tassani eqqarsaataasinnaavoq,” Taama Charlotte Pike oqarpoq.
Charlottap suleqataasalu ullorsiortoqartillugu qilaatersortoqaraangat qanoq qiimmattitsisinnaatiginera
takusinnaasimallugu, Ittoqqortoormiinilu qilaatersortartoqarunnaarnikuunera pissutaaqataalluni pikkorissarnissap pilersitaanissaata qanoq pingaaruteqartiginera takusinnaasimavaat.
Pikkorissaanissaq Kommuneqarfik Sermersuup kulturitigut pilersitsinissamut tapiisarfianiit, Sermeq Puljenimit taperneqarpoq. Sermeq Puljennimut qinnuteqarfissap tullia novemberip ulluisa aallaqqaataanut 2021 killeqarpoq.