Politikki

Qinersisussat allassimaffia pillugu tamanut nalunaarutiginninneq

Kommunalbestyrelsimut ilagiit sinniisaannut kiisalu inatsisartunut apriilip arfernani qinersinissamut qinersisussat allassimaffianiittussaavutit.

Kommuneqarfik Sermersuumi kommunalbestyrelsimut ilagiit sinniisaannullu qinersinissamut qinersisinnaasut pillugit qinersisussat allassimaffiat ulluni 11. aamma 12. marsi tamanit takuneqarsinnaassaaq.

Inatsisartunut qinersinissamut qinersisinnaasut pillugit qinersisussat allassimaffiat ulluni 15. aamma 16. marsi tamanit takuneqarsinnaassaaq.

Kommunimi illoqarfinni nunaqarfinnilu tamani soqutiginnittunit qinersisussat allassimaffii kommunip allaffiini takuneqarsinnaapput. Nuummi qinersisussat allassimaffiat Innuttaasunut Kiffartuussivimmi takuneqarsinnaavoq.

Kukkusumik qinersisussat allassimaffiani nalunaarsorneqarsimanngikkuit qinersisussat allassimaffiata tamanut saqqummiunneqarneraniit kingusinnerpaamik ullut marluk qaangiutsinnagit qinersinermik siulersuisunut allakkatigut naammagittaalliuteqarsinnaavutit. Naammagittaalliuut uunga nassiunneqassaaq kommuneqarfik@sermersooq.gl