Innuttaasunut

Qinersisinnaanermut allattorsimaffimmiippunga?

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Aprilip 24-ni Inatsisartunut qinerseqataaniaruit qinersisinnaanermut allattorsimaffimmi allanneqarsimassaatit. Qinersinermut allattorsimaffimmiinnerit nalornissutigigukku tamanna takusinnaavat martsip 27-iata 28-iatalu kingorna.

Qinersisinnaatitaasut Kommuneqarfik Sermersuumi qinersisinnaanermut allattorsimaffimmi takuneqarsinnaapput martsip 27-ni 28-nilu.

Illoqarfinni nunaqarfinnilu soqutiginnittut tamarmik, allattorsimaffik kommunip allaffianut alakkarsinnaavaat. Nuummi qinersisinnaanermut allattorsimaffik Innuttaasunut sullissivimmi rådhusimi inissisimavoq.

Kommuneqarfik Sermersuuminngaanniit qinersisinnaanermut allattorsimaffimmiinnersutit misissussavat, ukua akornanniikkuit:

  • Ilinniartut, Kalaallit Nunaannut qaammatit kingulliit arfinillit iluanni uteqqissimasut
  • Innuttaasut marlunnik innuttaassusillit
  • Innuttaasut, qinersisinnaanermut allattorsimaffimmiinnerlutik nalornisut

Kukkusumik qinersisinnaanermut allattorsimaffimmiinngikkuit allakkatigut qinersinermi siulersuisunut maalaaruteqarsinnaavutit, qinersinermut allattorsimaffiup nalunaarutigeqarneraniit kingusinnerpaamik ullut marluk kingorna. Maalaarut uunga nassiunneqassaaq kommuneqarfik@sermersooq.gl