Services

Nuummi angallannerup isumannaassusaa qaffanniarlugu siunnersuut tamanut tusarniaassutigineqarpoq

Kommunalbestyrelsip angallannermi allannguutissaq piviusunngortinniarlugu 20 millioni koruunit immikkoortippai

Angallannermi ajutoortarneq annikillisarniarlugu kommunalbestyrelsimi illoqarfimmi angallannermi allannguutaasiinnaasutut siunnersuut aallartisarneqarpoq.

Allannguutit immikkoortuni pingasuni ingerlanneqarumaarpoq, immikkoortorlu siulliusussaq inunnut pisuinnarnut sikkilertunullu isumasaarnerusumik ingerlaarsinnaanerannut sunniuteqarumaassalluni. Tamanna aqquserngit tummeqqallu ataasiakkaat pitsanngorsarneranni piviusunngortinneqassaaq.

”Pilersaarut inuinnarnut sikkilertullu pitsaanerusumik ingerlaarsinnaaneranut siunertaqarpoq. Pilersaarut tunngavigalugu pisuinnaat aqqutissaannik, sikkilertullu aqqutissaannik, tummeqqanillu nutaanik sanasoqarsinnaassaaq. Taamaalippat ingerlaarneq oqinnerulerlunilu aarlerinannginnerulissaaq, kissaatiginarporlu ingerlaarneq oqinnerulerpat amerlanerit biilitik uninngatinnerulissagaat. Nuup innuttaanut tamanna iluaqutaasaaq, silaanarmik mingutitsineq, nipiliornerillu annikillissapput aqquserngillu aserfallakkiartortarneri annikillissallutik,” Taama Runa Sværd, Kommuneqarfik Sermersuumi pilersaarusiornermut pisortaagallartoq oqarpoq.

Allannguutaanissamut pilersaarutit immikkoortortat pingasut, 2021-miit 2029 ilanngullugu piviusunngortinnissai ingerlanneqarumaarput, ukiumullu sanaartorneq 20 millionit koruunit tungaanut akeqartarumaarluni. Kommuneqarfik Sermersooq sanaartornissamut ataqatigiinermullu aaqissuussinissamut ukiumut 50 millionit koruuninik immikkoortitsinikuuput. Allannguiniarnerit aningaasaniit taakunaniit akilerneqarumaarput.