Services

Kultoori ingerlalluartoq – Tapiissuteqartarfik Sermeq tapiissuteqartoq

Coronap pilersaarusianut takkutoqartarnissaanut ajornartoortitsigaluarnikoq, pilersaarusiornartunut uniffiunngilaq. Martsip ulluisa aallaqqaataanni Tapiissuteqartarfik Sermeq qinnuteqaatinik 52-inik tigusaqarsimavoq

Kulturimik siuarsaaneq pillugu Siunnersoqatigiit Tapiissuteqartarfik Sermip aningaasaaliissutinik illoqarfinnut nunaqarfinnullu agguaaqqammerpoq, ukiorlu manna 52-it qinnuteqaammik nassiussisimapput.

Taama amerlatigisut qinnuteqarsimaneranut pissutaaqataasut ilagaat coronap ajornartoortitsinerani pilersaarusiortoqarsimatillugu takkussinnaasut akiliisinnaasullu killeqarmata, tamannalu eqqumiitsuliortut akissarsiaqarsinnaaneranut sunniuteqaqataasimalluni.

”Ukioq manna qinnuteqaatit suliarilluagaanikuuneri takusinnaavakka. Qinnuteqaatit 52-iusuni tamangajammik taperneqarnissaminnut piukkunarsimapput. Qinnuteqartut tapiissutit sumut atornissai, qanorlu inunnut tunniussaqarnissai paasitilluarsinnaasimavai. Tamanna kusanartutut isigaara, aamma pikkunnartut amerlangaarmata Kulturimik siuarsaaneq pillugu Siunnersoqatigiit qinnuteqaatit suliarilluakkat ilaasa itigartittariaqarsimavai,” Taama Søren Würtz, Kultureqarnermut Aaqqissuussanullu Immikkoortortaqarfimmi aqutsisoq oqarpoq.

Tapiissuteqartarfik Sermeq ukiumoortumik 2,5 millioni koruunit tapiissutigisarpaat. Tapiissutillu angissusaa 10.000kr-miit 300.000kr-nillu missaaniittarlutik.

Taperneqartut ukuupput:

 Per Bloch: Halvfar- lydbog

Nunatta Isiginnaartitsisarfia:

  • Grønlands teaterhistorie – et seminar om Silamiut tiden
  • Rockopera – forarbejde

Illorput: Ilisimasatoqqanik ilisimaneeruttunik siammarterinerup immikkoortuata tullia.

Tullut Distribution: Nuuk International Film Festival

Peter Petersen: Singajik projektet

Sundhed og Fritidsafdelingen – Kommuneqarfik Sermersooq, Ittoqqortoormiit: Musik i Ittoqqortoormiit til børn og unge i samarbejde med Sermersooq musikskole.

Nordisk Koncertkor: Sommerkoncert med Nordisk koncertkor 15 års jubilæum.

AneMarie Ottosen: Isiginnaagassiaq monologi/ Gertrud Rask/Geertuluut.

Musikskolen Sermersooq: Musikskole udveksling i Kulusuk og Tasiilaq.

Sundhed, Fritid og Kultur i Paamiut: Kiinnat Festival Paamiut oktober.

Nuuk Nordisk styregruppe: Nuuk Nordisk Kulturfestival 2021.

Sundhed, Fritid og Kultur Ittoqqortoormiit: Trommedans og kor til Ittoqqortoormiit.

Peqatigiiffik inngertut: Kapisillit/Qeqertarsuatsiaat 2021.

Uilu Pedersen: Arbejdslegat til børnebog: ”Pilu Sarfap Pissaaneqarfiani.”

Den rejsende forfatterskole: Den Rejsende Forfatterskole ved Niviaq Korneliussen & Anette Molbech.

Paamiut Museum: Oqalugiarneq: Aasiviit.

Terto Ngiviu: Arctic Indigenous Culture & Art – Issittumi Nuna Inoqqaavisa Kulturiat & Eqqumiitsuliornerlu.

Josef Kajangmat & Birthe Jeremiassen: Tasiilamut tamanut ammasumik tusarnaartitsiartorneq – Uummatip Nipaa.

Mudi Kramer Berthelsen: Ilisimasat Nalituut.

Qinnuteqarfissap tullia novemberip aallaqqaataanut killeqarpoq. Aalajangiinnissamullu piumasaqaatit sermersooq.gl-mi nassaarineqarsinnaallutik.