Politikki

Allakkatigut qinersineq

Apriilip arfernani kina qinissanerlugu aalajangereerpiuk? Taamaappat ulloq qinersivimmi tunuleriiaannerit qaangiinnarlugit ullumikkut allakkatigut qinersigit. Kommuunip illoqarfiini nunaqarfiinilu allakkatigut qinersisinnaalereerputit.


Qaqugu allakkatigut qinersisinnaalissaanga?

Apriilip arfernani qinersinissamut tunngatillugu ullumikkut allakkatigut qinersisinnaalereerputit.

Piffissaagallartillugu allakkatigut qinersinissaq pingaaruteqarpoq, allakkatigummi qinersinerit piffissaq eqqorlugu apuunnissaa illit akisussaaffigaat. Assersuutigalu kommuunimut qinersinermi pappiara taasinermi allaffissaq ulloq qinersivimmi nal. 20:00 kisitsinissami apuutereersimassaaq.

Qinersinernut sisamasut allakkatigut qinersisinnaavutit, taakku tamarmik apriilip arfernani ingerlanneqartussaapput.

  • Inatsisartunut qinersineq
  • Kommunalbestyrelsenut qinersineq
  • Nunaqarfinnut aqutsisunik qinersineq
  • Ilagiit sinnisaanik qinersinerit*
    • *Nuummi taamaallaat ilagiinnut sinniisussanik qinersisoqassaaq. Piffinni allani qinersisoqassanngilaq, sassartut tamarmik sinniisunngussapput.

Qanoq allakkatigut qinersisinnaavunga?

Kommuneqarfik Sermersuumi Innuttaasunik Kiffartuussivinnut saaffiginninnikkut allakkatigut qinersisoqarsinnaavoq, ammasarfiit nalinginnaasut:

  • Ataasinngornermiit pingasunngornermut 10:00 – 15:00
  • Sisamanngornermi 12:00 – 17:00 kiisalu
  • Tallimanngornermi 10:00 – 12:00

Nuummi innuttaasut ajornannginnerusumik allakkatigut qinersisinnaaqqullugit, kiisalu corona peqqutigalugu killilersuisoqarnerani pisariillisaasoqarneratigut illoqarfiup immikkoortortaanni allakkatigut qinersisoqarsinnaassaaq.

Martsip 18-ianiit 31-ata tungaanut ukunani allakkatigut qinersisinnaassaatit:

– Pisiffik, Qinngorput ullut tamaasa nal. 15-18
– Brugseni, illoqarfiup qeqqaniullut tamaasa nal. 12-18
*Ullut tamaasa 18/3, 19/3, 22/3, 23/3, 24/3, 25/3, 26/3, 29/3, 30/3, 31/3

Danmarkimiit, Savalimmiuniit imaluunniit Kunngeqarfiup avataaniit allakkatigut qinersinissamut pillugu paasissutissat allat:

Brev vedr. brevstemmeafgivning til Inatsisartut den 6. april 2021

https://valg.im.dk/valg/valg-i-groenland/kommunal-bygdebestyrelses-og-menighedsrepraesentationsvalget-i-groenland-den-6-april-2021