Nuummi qimarnguviup illutaa kiisalu katsorsaariaasaa nutarterneqareerlutik ammaqqinneqarpoq.
Pingasunnornermi februaarip ulluisa 17-ianni nal. ataatsimut Meeqqanut Ilaqutariinnullu Ingerlatsivimmiit ammaanersiorneqassaaq.
Pinasuartumik ikiuisarneq kisiat pinnagu, kisiannili arnanut meeqqanullu sivisunerusumik aalajangersimanerusumillu katsorsaanerit ingerlanneqartarnissaat Meeqqat Ilaqutariinnullu Ingerlatsivimmiit qangaaniilli kissaatigineqartarnikuuvoq.
Maanna qimarnguvimmi arnat qaammatit pingasuni najugaqarsinnaalerput kiisalu qaammatini arfinilinni katsorsaanerit ingerlanneqarsinnaalerlutik. Taakkua saniatigut ukiup affaani malitseqartitsineq neqeroorutaalerluni.
Ilaqutariit sisamat katsorsaavimmi inissaqartinneqarput. Katsorsaariaaseq nutaaq aqqutigalu arnat persuttagartarnermit aninissaat ukkartarineqassaaq. Qimarnguvimmi neqeroorutigineqartut amerlinerisigut, meeqqat angerlarsimaffinni persuuttaaffiusuni peroriartortut pitsaanerusumik atugaqalernissaat Kommuneqarfik Sermersuumiit anguniarneqarpoq.
Qimarnguvimmi pinasuartumik inissiisarnernut sullinniakkat tassaapput:
- Arnat (meeqqallu 17-it angullugit ukiullit) tarnikkut, timikkut, atortutigut aammalu aningaasatigut persuttarneqarsimasut
Qimarnguvimmi katsorsarnissamut sullinniakkit tassaapput:
- Arnat qitornallit, tarnikkut, timikkut, atortutigut aammalu aningaasatigut persuttarneqarsimasut. Persuttarneqartoq persuttaasorlu sullinniakkanut ilaapput, kisianni arnaq meeqqallu kisimik qimarnguvimmi najugaqarsinnaallutik. Pineqartut tamarmik katsorsarneqarnissaq kissaatigippassuk, ilaqutariinnut tamanut katsorsaanissamik neqeroorusiortoqassaaq.