Services

Paasissutissiilluni ataatsimiititsineq: Nuummi “Aatsitassarsiorfik”

Pilersaarusiaq pillugu sisamanngornermi ulloq 28. januaari nal. 16.30-18.30 Katuami Ikinngutigiit inaanni paasissutissiilluni ataatsimiinnermut peqataagit.

Pilersaarusiamik taassumunngalu siunnersuisut pilersaarusiat pilugit oqaluttuassapput, tassungalu tunngasunik  Kommuneqarfik Sermersooq pilersaarusiornermut inatsit aamma pilersaarutinut qinnuteqaatinut inatsit atuuttoq qanorlu ingerlasarnera pillugu ilisimatitsissuteqassalluni.

Tamassuma kingorna pilersaarusiaq pillugu inatsimmullu tunngasut pillugit apeqquteqarnissamut periarfissaqassaatit.

Aaqqissuussaq oqalutseqarluni ingerlanneqassaaq.

Aatsitassarsiorfik

Inatsisartut inatsisaat nr. 34, 9. december 2015-imeersoq naapertorlugu Sanarfinermut Avatangiisinullu Ingerlatsiviup Arkitekt Thomas Riis ApS-ip, Dykkerfirmaet Masik sinnerlugu pilersaarummut qinnuteqaataa tiguaa, immikkoortup ilaani 4B4-mi, Nuummi Pinerlussimasunut pineqaatissiisarfiup avannaata tungaani atortussiassanik suliaqarfimmik pilersitsinissamut atatillugu. Pilersaarummi nunaminertamik nunagissarsimasumik tassungalu atasumik talittarfimmik pilersitsinissaq kissaatigineqarpoq, tassanilu immamit atortussat suliarineqarsinnaassapput immikkoortiterneqarlutillu, aserorterneqarlutillu toqqorneqarlutik.

Pilersaarut pillugu annertunerusumik paasissutissanik pissarsiniarnermi kiisalu tusarniaanermut akissutinik nassiussiniarnermi kommunip tusarniaanermut nittartagaa.