Nuummi innuttaasut utoqqaanerit Hans Egedep eqqaassutissaata siunissaa pillugu immikkut ajornanngitsumik taasisinnaassapput. Ulluni aggersuni Nuummi angerlarsimaffimmi ikiortimik atuisut tamarmik, Nuummilu utoqqaat illuini najugaqartut tamarmik taasivissamik tunineqassapput. Taamaallaat immersussavaat, sulisunullu tunniullugu.
”Innuttaasoqatigut utoqqaanerusut amerlasoorpassuit oqaluttuarisaaneq pillugu sakkortuumik misigissuseqarput. Taamaattumik uannut pingaaruteqarpoq suliami matumani nipaat tusaaneqassasoq. Taamaattumik nuannaarutigaara angerlarsimaffimmi ikiortit suliamik tamatuminnga ikiuunnissamut piffissaqarmata ”, taama oqarpoq Kommuneqarfik Sermersuumi borgmesteri, Charlotte Ludvigsen.
Innuttaasut sinnerinut, kommunip digitalimik isaavia ”Kommuneqarfiga” aqqutigalugu taasisinnaanngitsut kommunimi inoqarfinni tamani innuttaasunik sullissivimmi taasinissamut periarfissaqarput. Innuttaasut nukarlerpaat titartaalluni unammisitsinikkut isummatik paasitinnissaannut periarfissaqarput.
”Kommuneqarfik Sermersuumi innuttaasunik peqataatitsineq pimoorupparput. Kikkut tamaasa tusarfigerusuppagut, tamatuma siunissami atasinnaasunik aalajangiinissarput periarfissaatimmagu”, taama oqarpoq Charlotte Ludvigsen.