Ittoqqortoormiini ulloq malunnartinneqarmat Meeqqat Ulluanni ilimagineqanngitsunik takkuttoqarnissaata tungaanut meeqqat qitiupput.
Akuleriinnut meeqqerivimmi Akuleriit “Paarsisor” Ittoqqortoormiini maajip ulluisa 29-at Meeqqat Ullorigaat puigorneqanngilaq. Meeqqat titartaapput qalipaallutillu.
Titartaanernut qulequtaritinneqartoq tassaavoq coronavirusimut tunngasuni suna ilikkarsimaneraat, taakkulu kinguneri qanoq issimanersut.
Tassanngaannaq quiasaarisartut marluk meeqqat nuannaarutigeqisaannik takkupput, aliikkusersuinissaarsuaqarporli.
Meeqqat Ulluat qungujulanertaqaqaaq illarnertaqaqalunilu, eqqaamasassanillu amerlasuunik pilersitsisoqarpoq. Meeqqat titartagaat plastikkimik qallerneqarput iikkamullu ikkunneqarlutik.
Taamaalillutik siunissami meeqqat takusinnaassavaat ullorlu nuannersoq eqqaasarumaarlugu, aammalu coronavirusimut tunngatillugu maleruaqqusat malinnissaannik eqqaasinneqarlutik.