Ulloq 18. maj aallarnerfigalu najugaqarfippit eqqaani Ingitassaatissinnik aaneqartarnissaanik periarfissaaqqilissaaq. Majip 29-ta tungaanut. Aaqqissuussineq TAAMAALLAAT inigisaminnik pigisalinnut atuutsinneqarpoq. Inissianik attartortut allatut inissiaatileqatigiiffiit aqqutigalugit periarfissaqartinneqarput
Inuussutissarsiortunit eqqakkat sanaartornermiluunniit eqqakkat eqqakkanut angisuunut ilaatinneqanngillat. Biili igitanut angisuunut katersisartoq kissaatigingukku illit najukkanni igitassaatitit aassagai taava Eqqagassaleriffik oqa. 36 74 11 imaluunniit mail-imut: affald@sermersooq.gl. saaffigisinnaavat. Nalunaaruteqarneq aallernissaq ulluni marlunni sioqqullugu pissaaq. Eqqagassalerivimmut attaveqajaarnikkut aallertoqarnissaanut ulloq kissaatigisat eqquutsikkuminarnerussaaq.
Attavigigutsigut ukua paasissutissiissutigissavatit:
1. Ateq najugalu
2. Mobiilivit normua mailillu
3. Sunik tunniussiniarpit – aamma qanoq annertutigisunik
Eqqagassat ullormi aaneqarfissaanni aatsaat aqqusernup sinaanut ilineqassapput. Igitat angisuut tikikkuminartumut inissinneqassapput aamma avatiminniittunut akornutaanngitsumut. Igitat angisuut najukkamit sorlermeersuuneri ersarissumik takuneqarsinnaassaaq. Igitat angisuut aaneqartussat, igitassanut ilaasussanngitsunut nigortillugit, inissinneqassapput. Assersuutigalugu sikkilit, aneerussiviit allallu.
Eqqagassat isumannaatsumik poortorneqarsimassapput – ilinnut sulisutsinnullu isumannaallisaaneq eqqarsaatigalugu.
Illit najugaqatigiiffiit peqatigiiffippilluunniit (nammineq pigalugu/piginneqatigiinnermi) najukkassi eqqaani eqqakkanik qimaannakkanik katersiniarnermik aaqqissuussiniarussi, ulluni taaneqartuni inniminnersinnaavatsigut, eqqakkat katersorneqarsimasut biilinik aaneqarniassammata.
Ullut taakkunani piffissaliussat atuutinneqassapput nalunaaqutaq 17.00-miit unnukkut 20.30 tungaanut
Eqqaasitsissutigissavarput Qilaliarfimmi aammalu Arfininngorneq Sapaallu Aallertoqassanngimmat.