Nuummi atuarfiit ammariartuaartinneqarnerat aallartissaaq pingasunngornermi 22.april
20.+22.apriili atuartitsinissamut skiimaliorfittut piareersarfittullu atorneqassaaq. Atuarfiit atuartunik inuiaqatigiinnut pingaarutilinnut meeqqanut ullut taakku aamma nakkutiginnissooq. Atuarfiit ataasiakkaat klassit sorliit qassinut atuariartassanersut angajoqqaanut nalunaarutigisassavaat.
Ammariartuaartitsinissamut pilersaarut:
- Atuariartussat holdit siulliit atuartassapput nal.08.00 – 12.00. Atuarfiit skiimaagallartussanik agguaassissapput, pissutsit naliginnaasunngornissaata tungaanut atuuttussanik.
- Atuariartussat tulliit nal.12.30 – 16.00. Atuarfiit skiimaagallartussanik agguaassissapput, pissutsit naliginnaasunngornissaata tungaanut atuuttussanik.
Atuareernerup kingorna ornittakkat ammaannassapput, atuartulli amerlasuunngorlutik ataatsimoortittannginnissaat pinaveersaarlugu. Silami illullu iluani periarfissat atuartut ikittunnguutinniartarnissaannut atorluarneqassapput.
Eqqiaalluarnerit errortorluartarnerillu pisortanit innersuussutit malillugit ingerlanneqaannassapput.