Ataqqinartorsuup inuuissiornera Nuummiit Ittoqqortoormiinut malunnartinneqarpoq. Ukioq manna dronningi naasunik piumanngilaq utoqqarnullu nassiunneqassasut kaammattuutigalugu. Kommuneqarfik Sermersuup tamanna malinniarsaraa – allannguuteqalaartumik.
Issittumi Sakkutooqarfiup qamutilittarnerani pujoq aanngaqqajanngitsoq, innuttaasunut utoqqaanerusunut lagkagimik sassaalliisoqalereerpoq Ilaatigut Nuummi Ittoqqortoormiinilu tamanna ilassilluarneqarpoq, tamannalu assini takuneqarsinnaalluarpoq.
Naalagaaffeqatigiiffimmi tamani Dronningi nuannarineqarluarpoq, taamaattumik apriilip 16-iani inuuissioraangat Amalienborg Slotsplads naasuusivissuanngoraangat takornartaaneq ajorpoq. Kisianni ukioq manna taamaanngilaq.
Dronningi akunnaalliliigaluartoq, 80-inik ukioqalerluni inuuissiornermini naasunik tunineqarnissani kissaatiginngilaa. Taarsiullugu piffissami matumani coronavirusimik nalaanneqarnermi, innuttaasunut utoqqaanerusunut nassiunneqassasut innersuussutigaa.
Kalaallit Nunaanni naasut pissarsiariuminaatsuummata, Kommuneqarfik Sermersooq aalajangerpoq Dronningip siunnersuutaa malinniarlugu, naasullu kaaginik taarserlugit. Inuuissiortunik nalliussititsiniaraanni taakku aamma atorneqartarmata.
Kommuneqarfik Sermersooq qamannga pisumik pilluaqqusivoq!