Services

Kommuneqarfik Sermersooq corona virusimut tunillatsittoqassagaluarpat malittarisassaliorpoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Nalunaarut una qanganertersimavoq 

Allatap imarisai ullumikkut atuunnissaat naatsorsuutigineqassanngilaq

Corona-virusip Kalaallit Nunaannut peratarsinnaaneranut Kommuneqarfik Sermersooq sulisuminut tamanut ullumikkut COVID 19-imut malittarisassanik saqqummiussivoq. Sulisut sulinermik nalaanni qanoq iliornissaannik malittarisassani periaasereqquneqarput, tunillatsittoqassagaluarpallu tuniluunnerup minnerpaaffissaaniitinnissaa pineqarpoq.

Kommuneqarfik Sermersuumi Pisortaqatigiit Upalungaarsimanermut sulisunit innersuunneqarlutik kommunimi sulisunut tamanut malittarisassanik saqqummiipput. Taamaattumik kommunip utoqqarnut ulluuneranilu paaqqinnittarfinnut, atuarfinnut aamma sunngiffimmi ornittakkanut, ikuallannernut annaassiniarnernut isumannaatsumik qularnaatsumillu akisussaaffeqarnerup qulakkeernissaa aalajangiisuuvoq.

– Uagut aamma tunillatsissasoraluta massakkut nunat assigiinngitsut akornanni pisoq pillugu, tuniluunnerup minnerpaaffimmiitinnissaanut malitassat pisariaqartinneqartut atorpagut.  Aammattaaq inuiaqatigiit unittuunnginnissaat pingaaruteqarpoq. Innuttaasoqarpoq uagut tapersersuinitsinnik pisariaqartitsisunik. Suliassatta pingaarnerit suliarinissaannut malittarisassat qulakkeerinneqataapput, kommunaldirektøri Lars Møller-Sørensen nassuiaavoq.

Kommunimi sulinermut atatillugu angalanernut malittarisassat unikaallatsitserujussuarput. Tamanna isumaqarpoq Kalaallit Nunaata avataanut Qallunaallu Nunaannut sulinermut atatillugu angalanerit unitsinneqartut kiisalu Kalaallit Nunaata killingani Qallunaallu Nunaanni sulinermut atatillugu angalanerit pisariaqartinneqartut kisimik akuerineqassasut.

Malittarisassat isumaqarputtaaq aaqqissuussani anginerni imaluunniit nunat assigiinngitsut akornanni aaqqissuussani sulisut peqataassanngitsut, kiisalu aaqqissuussat minnerumaat Kommuneqarfik Sermersuumit peqataatitsinissani pisariaqassasut.

Soorunami Kommuneqarfik Sermersuup aalajangissanngilaa sulisut suliffimmik avataani sulerissanersut, kisianni sulisut tamaasa sunngiffimminni sunik sammisaqassanersut pillugit nalileeqquai.

Illit nammineq qanoq iliorsinnaavit?

Imminut allanullu attavigisarnut COVID-19-imut illersorniaruit iliuuserisinnaasat tassaavoq eqqiluisaarneq. Utoqqaat inuillu sanngiitsut illersornissaat eqqumaffigissavatit. Suligaluaruit, kikkut tamarmik ilaaffigisaanni angallannerni niuerniaruilluunniit uku siunnersuutit tallimat atorluarsinnaavatit.

  • Assatit akuttunngitsukkut asattorluartakkit aamma håndsprit atortaruk
  • Tangajoruit quersoruilluunniit talinnik asseruk – assannik assernagu
  • Assamminnerit, ulussakkut kuninnerit pakkunnerillu pinaveersaakkit – timikkut allap attornissaa killeqartiguk
  • Eqqiluisaarneq eqqumaffigiuk – angerlarsimaffimmi aammali suliffinni
  • Utoqqaaneruguit imaluunniit anigorsinnaanngisamik nappaateqaruit – qanillinak allallu qanilleqqunagit qinnuigalugit