Ulluni makkunani coronaqarnerani sapiitsuliortut tamatta isumannaatsumik aniguinissarput anguniarlugu sulissuteqartut Kommuneqarfik Sermersuumit nersorniarneqarput.
Sapiitsuliortoq nakorsaasinnaavoq, pisiniartitsisoq inuk ilisarisimanngisat ilinnut pisiniussisoq imaluunniit allarluinnnaq.
Nersualaagassamik nalunngisaqarpit? Massakkut taava coronaqarnerani sapiitsuliortutut isigisat nersualaarnissaanut periarfissaqarputit! Facebookitsinnut assimik oqaluttualiannguamillu nassiussiinnassaatit.
Oqaluttuat toqqarneqarsimasut kommuneqarfiup tamanut attaveqaataatigut saqqummiunneqassapput. Immikkut suliniuteqartunut tamanut qujanarujussuaq!