Covid-19-ip tunillaassuunnera killilersimaarniarlugu Nuummi meeqqeriviit maanna matoqqagallarput.
Taamaattumik Kommuneqarfik Sermersuup angajoqqaanut apriilimi paaqqinnittarfimmut akiligassanik akiligassiiniarnani aalajangerpaa.
”Naluarput qanoq sivisutigisumik matoqqatitsisoqassanersoq, tunngaviusumilli piffissami paaqqinnittarfiit matoqqaneranni akiligassiisassanngilagut”, Kommunaldirektøri Lars Møller-Sørensen oqarpoq.
Kommuneqarfik Sermersuup sinnerani illoqarfinni nunaqarfinnilu meeqqeriviit nalinginnaasumik ammapput, taamaattumillu nalinginnaasumik akiligassiisoqartassaaq.