Siorarsiorfik – Nuuk City Development A/S Nuummi nutaamik atuarfiliornissamut sanaartortussamik inaarutaasumik toqqaanissamut suliamik aqutsisuuvoq.
Nuummi nutaamik atuarfiliornissamut Nuuk City Development A/S (NCD) ÍSTAK-imit aamma MT Højgaardimit neqeroorutinik tigusaqarpoq, arlalitsigullu imminnut qanittuararsuullutik. Neqeroorutit marluusut Isumaqatigiinniarnermut Ataatsimiititaliaasumit sukumiisumik nalilersorneqarput, malitsigisaanillu Nalilersuisartutut Ataatsimiititamut saqqummiunneqarluni. Neqerooruteqarnissamut atortuni tunngavissanik arlalinnik nalilersuutissanik tulleriiaarisoqarsimavoq.
Neqerooruteqarnermi atortuni allaqqavoq, akianut tunngatillugu maluginiarneqarnera 40 procentiussasoq, sanaartornermut tunngatillugu 40 procenti (illup ilusiligaanera, teknikkitaa suleqatigiinneq ilanngullugit) aamma ingerlatsineq 20 procenti (ingerlatsinermi aningaasartuutit ilanngullugit).
Akitigut ÍSTAKip neqeroorutaa 615 mio. koruunimiippoq, MT Højgaardip neqeroorutaa naapertorlugu 610 mio. koruunimiissimassagaluarluni. Akit taakku marluusut pissarsiarineqarput, neqeroorutini marluusuni misissuinikkut amigaataasut paasineqartut aningaasatigut nalilersoreernerini.
Sanaartornermut tunngatillugu ÍSTAK tunngavissani tamani angusarissaarneruvoq, pingaartumillu neqeroorummut tunngatillugu allanngueriaannaassuseqarnerat aalajangiisuulluinnarluni. Ataatsimiititap taamaalilluni ataatsimut ima nalilerpaa:
Atuarfik nutaaq atuartunut 1.200-nut inissaqartoq 2023-mi atulersinneqarnissaa naatsorsuutigineqartoq.