Qeqertarsuatsiaani timersortarfik sungiusartarfittaarlunilu timigissartarfittaarmalli, inuusuttut arlaqartut atorluartalersimavaat.
Malik, Aqqaluk, Hanseeraq aamma Najannguaq, Qeqertarsuatsiaani inuusuttut akornanni 16-it 21-illu akornanni ukioqartut, timigissartarfik siorna ammarnerata kingornali ilassilluarsimavaat.
Sapaatip akunneranut ataasiarluta marloriarlutaluunniit atortarparput, naammassimmalli taamaaliortalernikuuvugut” inuususttut unnersiorput, neriullutillu ini pineqartoq sapinngisamik piaartumik tarrarsuuteqalerumaartoq tilluuttuusarfittaarlunilu.
Timi atorluarneqartarpoq
Inuussuttut taakkua inuusuttutut eqeersimaartutut assersuutissaqqipput, periarfissaalersunik atorluaasinnaalersut. Matumanilu timigissartarfik suliniutaasimavoq pitsaasoq.
”Siornatigut arsaanneq aqqutigalugu taamaallaat timerput aalatittarsimavarput, maannali aamma tigissartarfeqalerpugut, tassanilu nukiit assigiinngitsorpassuit sungiusarneqarsinnaapput. Tamanna pitsannguutissatut unammillernartuusimavoq” inuusuttut oqarput.
Taamaattumik cykkilerneq, arpanneq bænkimilu nukkassarneq arsaattarfiup apisimaneranut taartaalluarsinnaasut ilimanarpoq. Taava immaqa aamma tilluutit ullut ilaanni atortariaqalissapput.