Kommuneqarfik Sermersuumi suliniut Kivitsisa kommunimi atuarfinnik ineriartortitsineq ingerlateqqillugu Nuummi atuarfinni pingasuusuni ilinniartitsisut atuartullu tamarmik atuarfimmi atugassaanik iPadinik tunineqassapput. Atuarfik siulliulluni tunineqartussaq tassaavoq Kangillinnguit Atuarfiat, tassani iPadit sap.ak. 46-mi tunniunneqassammata. Kingorna Nuussuup Atuarfia sap. ak. 49-mi kingullertullu Atuarfik Samuel Kleinschmidt sap.ak. 2-mi tunineqassallutik.
Suliniut KIVITISISA-p iPadinillu tunniussinerup atuarfimmi atuartitseriaatsip misissuinerusumik immikkut sammisassaqarnerusumillu ineriartornissaanik siunertarineqarpoq. Atuartut kajumissuseqarnerulernissaanik ilikkarusussuseqarnerulernissaanillu pilersitsissaaq. Atuartut taamaasillutik suliassanik suleqatigiinnertalinnik, nutaaliornertalinnik qiimassaataasunillu suliaqarsinnaanngortinneqassapput.
Suleriaaseq taanna atuarfeqarnermut inatsip tunngavianut Atuarfitsialammut ilaavoq. Atuartunut atuarfimmi atugassanik iPadinik tunniussineq angajoqqaanit qujamasuutigineqarpoq. Tunniussinermi angajoqqaat suliniut KIVITSISA pillugu saqqummiussiffigineqassapput kiisalu meeqqatik iPadi atorlugu pitsaasumik ilikkagaqarsinnaanerannut qanoq akisussaaqataanissamik siunnersorneqassallutik. Atuarfiit iPadinik tunniussinissaq pillugu angajoqqaanut qaaqqussutinik nassiussuiumaarput.