Kommuneqarfik Sermersooq ulluni qaninnerni Aalborgip-ulloqartinnerani tikeraartitsisuussaaq, Aalborgimeersut amerlasuut Nuummut tikeraartussaammata. Tikeraaqatigiittussat tassaapput inuussutissarsiortut, kulturimut tunngasunik suliallit, qinikkat, atorfillit aammalu Aalborgip borgmesteriaThomas Kastrup-Larsen.
“Uagut Kommuneqarfik Sermersuumi Aalborgip suleqatiginera pingaartittorujussuuarput. Kommunit marluk akornanni assartuussinerinnarmut tunngasuunngilaq,” Kommuneqarfik Sermersumi borgmesterip tullia siulleq,Uju Petersen taama oqarpoq. Taanna nangippoq ”Suleqatigiinnermi innuttaasut inuussutissarsiuteqartullu illoqarfinni marluusuni iluaquserneqartarput, aammalumi qinikkat kulturimillu suliallit.”
Aalborgip ulloqartinneqarneri ukioq allortarlugu pisarput, tassanilu Nuuk aamma Aalborg nikittarlutik aaqqissuisuusarput. Ukioq manna pisussarpassuarnut ilaatigut ilaapput inuussutissarsiorneq pillugu ataatsimeersuarnissaq, qulequtaralugit sulisussat, sulisussarsiortarneq, pikkorissartitsineq aammalu ilinniartitaaneq. Tulliullutik suliffeqarfinnut pulaarnerit aammalu qinikkat workshoppertinneqarnerat.
”Kulturimut tunngatillugu Aalborg symfoniorkester tikeraassapput, illoqarfimmi sumiiffinni assigiinngitsuni tusarnaartitsisartussat, ilaatigut Dronning Ingridip Napparsimmavissuani sulisunut uninngasunullu tusarnaartitsissapput aammalu Utoqqaat Illuisa ilaanni ataatsimi,” Uju Petersen oqaluttuarpoq.
Aalborg symfoniorkester pisortatigoortumik aaqqissuussinerni assigiinngitsuni tusarnaartitsisassapput. Sisamanngorneq 15 august nal 19-20 agiartartut agiarsuartartullu Hans Egedep Oqaluffiani tusarnaartitsissapput taavalu qarlortartartut Nuuk Centerimi aggustip 17-ianni nal 11 nipilersussapput.
Arfininngorneq unnukkut aggustip 17-ianni Katuami ikinngutigiinneq malunnartinniarlugu Aalborg symfoniorkester, Josef Lund Josefsen, Nina Kreutzman aamma Arnannguaq Gerstrøm tusarnaartitsissapput, tassani Arnannguaq Gerstrøm tikeraartoqarneranut atatillugu immikkut erinniaqarsimagami. Billetsit Katuami pissarsiarineqarsinnaapput, iserneq akeqanngilaq.
”Aalborgimiit tikeraartutta Kommuneqarfik Sermersuumut tikilluaqqunissaannut qilanaarpugut, Aalborg symfoniorkesterip tusarnaartitsinissaanut qilanaarluta. Symfoniorkesterip Nuummut tikeraarnissaanut aningaasaleeqataasimasunut qujamasoqaagut,” Uju Petersen naggasiivoq.
Aalborg symfoniorkesteripNuummut angalaneranimakku aningaasaleeqataasimapput
Aalborg symfoniorkesteripNuummut angalaneranimakku aningaasaleeqataasimapput:
o Augustinus Fonden
o Spar Nord Fonden
o Det Obelske Familiefond
o Musikkens Hus i Aalborg
o Aalborg Symfoniorkester
o Aalborg Havn A/S
o DC supply
o Blue Water Shipping Greenland
o Sermersooq Business Council
o Kommuneqarfik Sermersooq
o Aalborg Kommune
o Arctic Consensus