Kommuneqarfik Sermersooq ukioq manna ukiunik qulinngortorsiorluni nalliuttorsiussaaq, tamannalu assiliinermik unammisitsinermik malunnartissavarput.
Kommuneqarfik Sermersuumi illoqarfigisannit/nunaqarfigisannit assilisat facebookkimi quppernitsinnut ikkuguk, taamaalillutillu aasami eqqugassanik pitsaasunik unammisitsinermut peqataallutit.
Illoqarfippit/nunaqarfippit suna immikkuullarissutigaa? Sooruna sumiiffik allanit assineqanngitsoq? Assiliigit naatsumillu oqaasertaliillutit.
Inuk ataaseq assimik ataasiinnarmik nassiussisinnaavoq. Killissarititaasoq: 2. august
Naliliisussat tassaassapput assiliisartoq tusagassiortoq Christian Klindt Sølbeck, sunngiffimmi assiliisartoq Vilhelm Lynge Hard kiisalu tusagassiortoq Irene Jeppson.
Pinnatassat 1:
Inunnut 2-nut tupeq
Qissattaat
Igalluni atortut
Multitool
Savik
Pinnatassat 2:
Qissattaat
Igalluni atortut ataatsimoortut
Termokande
Multitool
Pinnatassat 3:
Qissattaat
Multitool
Nammattagaq