Najukkami Ataatsimiititaliamit Nuummi innuttaasoq 5.000 koruunininik Asiarpami ulloq 22. aamma 23. juuni atoqqitassaarniarnissamut/aqqusinermi nuannannissamut tapiissuteqarfigineqarpoq.
Aaqqissuisuuvoq Arnannguaq Thiessen.
“Kikkunnut tamanut aasami nuannisartitsinissaq siunertaavoq. Najugaqartut aqqusinerput Nuummi pitsaanerpaanngortinneqarnissaanut kajumissaarneqarput ataatsimuussuseqarluarnikkut kiisalu eqqakkanik aamma qimmit anaanik katersinikkut, naasunik pinnersaanikkut, bænkinik kusanartunik nammineq sanaartornikkut il.il.”
”Innuttaasut tamarmik tikilluaqqusaapput. Pissittaarfeqassaaq pinnguarfimmik (hoppeborg), popcorniliuut kiinnanullu qalipaaneq.
AHL-imi 4.c-nngortussat popcorninik tuniniaaneq pissittaarfimmullu “billetseerniarneq” kiinnanillu qalipaanerit isumagissuaat. Paasiniaalluni angalanissamut katersuiniassapput, Arnannguaq Thiessen oqarpoq.
Najukkami Ataatsimiititaliap pilersitsiniarneq tapersersorpaa, innuttaasullu allat ataatsimoornerup nukittorsarnissaanut sumiiffiulluunniit najukkap iluarsartuunniissaanut tapersersuipput.
Pisussamik aaqqissuusserusuppit imaluunniit sumiiffinni suliamik aallartitserusuppit, taava una takuuk:
https://sermersooq.gl/kl/kommuuni/lokaludvalg/nuuk/Najukkami-Ataatsimiititamit-tapiiffigineqarneq
Aggustip tallimaat 2019 qinnuteqarnissap tullianut ulloq killissarititaavoq.