Naluttarfik Malik meeqqanut 9-12-p tungaanut ukiulinnut annaassiniarnermut pikkorissaasimapput, tamannalu ingerlanneqarpoq januarimiit junip tungaanut. Pikkorissaasut tassaapput ikiueqqaartartutut ilinniarsimasut annaassiniartartullu.
Naggataarnermi peqataasimanermut uppernarsaammik diplom-imik tunineqarput, uppernarsarlugu minnerpaamik:
- Imminut annaanniarsinnaasut
• 200 meter nalussinnaasut
• Ipisimasumik qaqitsineq
• Uippallersimasumik naluttarfiup sinaanut apuussineq
• Meeqqamik ikiueqqaarneq (uummarsaaneq)
• Qungasikkut ajoqusersimasumik suliaqarneq. - Sammisaqartitsineq meeqqanut imarmi/naluttarfimmi annaassiniarnermi periusinut ilinniartitsineruvoq, sungiusarnermilu nuannisarnissaq misilittagaqalernissarlu pingaartinneqarlutik.
Meeqqat 20-t tikillugit peqataasarput. Assimi takusinnaavasi peqataanikut tallimat diplominnannikullu, tassaasut Ivaaq, Aslak, Jonathan, Nukaaraq, Camilla.