Sumiiffinnik Aqquserngillu Taaguutaannik Siunnersuisoqatigiit Qasigiannguit eqqaanni aqqusinernut marlunnut taaguutaalersussatut siunnersuutinik marlunnik pissarsisimapput, Paarnat ataanni aamma Qasigiannguanik taaneqartartumi.
Inissiaqarfimmut aqqutt taaguuteqalerpoq ”Inneruulat”, taavalu aqqusineq tamaaniittoq taaguuteqalerpoq ”Tullerunnat”. Sumiiffinnik aqquserngillu taaguutaannik siunnersuisoqatigiinnit immikkoortumi maannamut taaguusersueriaaseq attakkumaneqarpoq, aqquserngillu kalaallit naasui malillugit taagorneqarlutik.
Kommunalbestyrelsip taaguutit nutaat akuersissutigai piffissamilu qaninnermi tamaani allagartat nutaat ikkunneqarumaarlutik.