Multi-Kultip ingerlanneqarnerani aappariittut qalipakkamik sanatitsisinnaavusi meeqqallu Qeerlutuuarnamik ujarleqataasinnaapput
Qalipakkat H.C. Andersenip oqaluttualiaanit aallaaveqartut Nuutoqqami saqqummersinneqassapput. Ilaatigut qalipagaq angisooq H.C. Andersenip oqaluttualiaanit arlalinnit tigulaakkanik imaqartoq ilaajumaarluni. Qalipakkami tassani meeqqat oqaluttualianit assigiinngitsunit ilisarisassarsiorsinnaapput.
Nuutoqarmi eqqumiitsuliortumit Lars Wintherimit tikeraarneqartussaavoq taannalu Kalaallit Nunaanni arlaleriarluni saqqummersitsisarnikuuvoq.
”Larsi saqqummersitsiartorluni maannassaaq. Nalunngilara Kalaallit Nunaat assut nuannarigaa soorlu aamma Maniitsumi Ilulissanilu saqqummersitsisarnikuusoq”, Vinni Birkedal katersugaasivimmi pisortaq oqarpoq.
Taanna Multi-Kultimut qilanaarpoq eqqumiitsuliortullu naapinnissaanut qilanaarluni. Eqqumiitsuliortoq siullermeerluni eqqumiitsuliaminik Nuummi saqqummersitsissaaq.
Isiginnaartitsineq meeqqanut tulluussagaq
Arfininngornermi apriilip 6-iani ullaap tungaani ualikkullu isiginnaartitsisoqassooq. Meeqqat 5 klasse-mi atuartut H.C. Andersenip oqaluttualiaa “Qeerlutuuarnaq” takutissavaat, takutitsinermilu assigiinngisitaarnermik inissaqartitsisinnaaneq qitiutinneqassaaq.
Aappariittut qalipatsigitsi
Aappariittut qaliipatsikusukkaanni aamma tamanna Nuutoqqami pissaaq.
”Larsi aappariinnik qalipaasaarnissamik neqerooruteqarnikuuvoq” Vinni oqaluttuarpoq qungujullunilu.
”Aappariittut qalipagaq tassaavoq ilinnik qanigisarnillu qalipagaq, katersugaasivimmi akeqanngitsumik sanatissinnaasat angerlaallugulu. Aappariittut qalipatsinneq akunnerup ataatsip missaanik sivisussuseqarpoq”, Vinni nassuiaavoq.
Katersugaasiviup pisortaa neriuppoq aappariit amerlasuut qalipatsikkumallutik takkukkumaartut.
Aappariittut qalipatsikkusukkussi uunga mailimik nassiussissaatit vinn@sermersooq.gl