– piffissat ammarsarfiit, atueqqiinermut aamma ilinnut orpiutinnullu qaaqqusisussut
Juulli ukiortaarlu sukkasuumik qanilliartorput immaqalu suli angumerisassaqarputit juullimut nerriviliorsimasumut ingitsinnak ukiortaamilu pilluaqqusitinnak angumeriniagassannik? Qujanartumik ikiorsinnaavatsigit.
Juullimi ikiortaamilu eqqagassaatitit pilersaarutit malillugit aaneqartassapput
Eqqaavilerisugut isumaqatigiissuteqarfigivagut eqqagassaatitit nalinginnaasumik juullikkunni ukiortaamilu aaneqartarnissaat pillugit, taamaalilluni illit taakku eqqarsaatigisariaqanngilatit. Illuatungaanilli eqqaasikkusuppatsigit, suli eqqagassaateqaruit eqqaavimmiissinnaasunit amerlanerusunik, taava nammineerlutit taakkua Eqqagassaleriffimmukaatissagakkit.
Eqqagassaleriffiup tigooraaviullu juullikkunni ammasarfii allannguuteqarput.
Eqqagassaleriffiup tigooraaviullu juullikkunni ammasarfiit pisarnermit allaanerulaassapput.
Eqqagassaleriffik juullip ukiortaallu akornanni ammaffissai:
- 24. decembari: Matoqqavoq
- 25., 26. decembari: Ammavoq 09.00 – 14.00
- 27., 28. decembari: Ammavoq 07.00 – 17.30
- 29. decembari: Ammavoq 09.00 – 14.00
- 30. decembari: Ammavoq 11.00 – 16.00
- 31. decembari: Matoqqavoq
- 1. januaari: Matoqqavoq
Atueqqiisinnaaneq eqqarsaatigiuk allallu illit atoqqinngisassanik nuannaaruteqartillugit
Juulli tunisiffiuvoq – nutaarpassuillu nuannersut atulerpata nutaanngitsut nutaanut inissaqartitsisussanngussapput. Taakkuli immaqa suli atorsinnaagaluarput, immaqalu arlannguata taakkorpiannguit iginniakkatit amigaatigivai?
Maani eqqagassaleriffimmiittugut kikkut tamaasa kaammattorumavagut atueqqiisinnaaneq aamma juullikkunni eqqarsaatigeqqullugugu atoqqinneqarsinnaasorpassuimmi angerlarsimaffinni allani atoqqinneqarsinnaanerinut periarfissarpassuaqarput.
Juulli tv-mik nutaamik tunisippit nutaanngitsorlu atorunnaarlugu? Assersuutigalugu misiliguk facebookimi quppernerpassuit KØB-SALG-BYTTE aaqutigalugit allagarsiineq – ajornanngitsunnguuvoq, avatangiiseq inuillu allat taamaalillutit iluaqusissavatit – immaqalu niuerluarnikkut iluanaaruteqalaarsinnaallutit. taamatut iliorneq tamanut ajugaaneruvoq – suna tamaat aqqusaarlugu.
Ilinnut orpiutinnullu qaaqqusissut – peqatigiilluta immaqa “orpippassualiorsinnaavugut”
Juullimut tunngasut ukiortaap kingornatigut atorunnaarutsigit orpillu inimi kusassaataajunnaarpat, neriuppugut orpiutinnguit sivisunerusutumik uumassuseqartikkusussagit. Taamaattumik piffissami 1 aamma 8 januaarip akornanni orpiutippit ataani kortimi nalunaaqutserneqarsimasumut tunniunnissaanut tikilluaqquatsigit. Amerlasoorsuulluta orpiutitsinnik tunniussisuugutta immaqa juullimi orpinnik orpippassualiorsinnaanngussaagut toqqorfigineqarsinnaasunik.
Orpiup tunngavia akisooq angerlarsimaffimmiitiinnarneqassaaq, qangatoortumilli orpik tunngavilersimagukku taanna atatiinnassavat, nammineerluni napasinnaaniassammat. Suli apinerussappat aamma orpiutit apummut “kapputiinnarsinnaavat”.
Ikuallattoornissaq eqqarsaatigalugu orpik 1 januaari sioqqullugu tunniunneqassanngilaq aamma pinnersaateqartinneqassanngilaq, taamaattumik pinnersaataasa peernissai eqqaamassavat – taakku atoqqinneqarsinnaammata.
Januaarip ulluisa 8-ta kingorna orpiit katersorneqassapput seqqutserneqarlutillu ikuallaavimmut ikineqarsinnaanngorlugit imaluunniit illoqarfimmi arlaanni immiutitut atorneqarsinnaasunngortinneqassapput. Soorunami orpinnut inissiiffissatut innersuussaq allanik ilitsivigeqqusaanngilaq – igitassat allat Eqqagassaleriffimmut tunniuteqquneqarput.
Sermersuumi Eqqagassalerinermik suliaqartunit kikkut tamarmik juullimi ikiortaamilu pilluaqquneqarput.