Mittarfiit pillugit isumaqatigiissutit akuerineranni siunissami periarfissarpassuarnik ammaassissaaq, tamannalu borgmester Asii Chemnitzip nuannaarutigivaa
-Sisamanngorneq novembarip 15-it 2018 tassaassaaq ulloq nunatta oqaluttuarisaanerani pingaarutilerujussuaq. Ullormi tassani mittarfiit pillugit isumaqatigiissut Inatsisartuni akuerineqassaaq. Tassaassaarlu kinguaariinnut alloriarneq pingaarutilerujussuaq.
– Nunami immiikkuullarissumi ineriartorfiusumi najugaqarpugut siunissamilu mittarfiit piareerpata periarfissanik nutaanik nunarsuarmut ammaassissaagut, Asii Chemnitz Narup oqarpoq.
Sisamanngorpat ullaap tungaani Nuummi politikerit arlallit kommunip allaffiata eqqaaniit Inatsisartut silataannut ingerlaaqatigiissapput. Siumut, Demokraatit, Atassut aamma Inuit Ataqatigiit ingerlaaqatigiinnerminni isumaqatigiissutip akuerineqarnerata pingaaruteqarluinnarnera erseqqissarusuppaat. Ingerlaaqatigiinneq Kommuneqarfik Sermersuumiit tapersersorneqarpoq.
– Mittarfiit pillugit isumaqatigiissutip akuerineqarnerata malunnartinniarneqarnera nuannaarutigivara ingerlaaqatigiinnermullu aaqqissuisut qujaffigerusuppakka.
– Mittarfiit sananeqartussat nunarput tamakkerlugu iluaqutaasussaapput taamaattumillu ulloq una immikkuullarissoq malunnartinneqartariaqarpoq, Asii Chemnitz Narup oqarpoq.