Innuttaasunut

Nuummi eqqagassanik angisuunik oktobarip 15-ianiit 26-ata tungaanut katersineq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Malugiuk: Piffissamik inniminniineq unippoq!

Kommuneqarfik Sermersooq illoqarfiit pingaarnersaanni eqqagassanik angisuunik piffissami oktobarip 15-aniit 26-ata tungaanut katersissaaq. Eqqagassalerivik oqarasuaat 36 74 11 mailimulluunniit affald@sermersooq.gl, najukkannut eqqagassanik angisuunik aasassaqarpat attavigiuk.

Aaqqissuusaq innuttaasunut nammineq NAJUGALINNUINNAQ atuuppoq.

Innuttaasut inissiaateqatigiiffiit aqqutigalugit inimik attartortut allanik periarfissaqarput – inissiaatileqatigiiffik paasissutissanik sukumiinerusunik paasisaqarfiginerujumallugu attavigiguk.

Inuussutissarsiortunit eqqakkat sanaartornermiluunniit eqqakkat eqqakkanut angisuunut ilaatinneqanngillat. Eqqakkanik angisuunik najukkannut aallertitsiniaruit Eqqagassalerivik oqarasuaat: 36 74 11 imaluunniit e-mail:  affald@sermersooq.gl  kingusinnerpaamik ulloq aallertoqarnissamut kissaatigisat sioqqullugu attavigissavatit.  Eqqagassalerivimmut attaveqajaarnikkut aallertoqarnissaanut ulloq kissaatigisat eqquutsikkuminarnerussaaq. 

Eqqagassanik angisuunik aallertussat piffissami nal. 17-20 aallertassapput.

Peqatigiilluni najugaqatigiiffinni najugaqartunut eqqagassanik angisuunik aallernissamut ataqatigiissaarinissaq kajumissaarrutigineqarpoq.

Attavigigutsigut ukua paasissutissiissutigissavatit:

  1. Ateq najugalu
  2. Mobiilivit normua mailivillu adressia.
  3. Suna aasassaanersoq – qanorlu annertutiginersoq.

EQQAAMAJUK

  • Eqqagassat ullormi aaneqarfissaanni aatsaat aqquserngup sinaanut ilineqassapput.
  • Takkukkutta najuutissaatit/-si.
  • Eqqagassat aqquserngup sinaani inuttaqaratik qimaanarneqarsimasut tigoorarnavianngilagut.

Eqqagassanut angisuunut aallertut biilianut eqqagassat nammineq issoraatissavatit.

Eqqagassat isumannaatsumik poortorneqarsimassapput – ilinnut sulisutsinnullu isumannaallisaaneq eqqarsaatigalugu.

Illit najugaqatigiiffiit peqatigiiffippilluunniit (nammineq pigalugu/piginneqatigiinnermi) najukkassi eqqaani eqqakkanik qimaannakkanik katersiniarnermik aaqqissuussiniarussi, ulluni taaneqartuni  inniminnersinnaavatsigut, eqqakkat katersorneqarsimasut biilinik aaneqarniassammata.