12-nik ukiulik Victor Ilánguak´Lynge Pedersen Nuumminngaanneersoq isumaqarpoq Kommuneqarfik Sermersuumi meeqqat ataatsimoornerulertariaqartut nukittorsartariaqartullu.
– Ukiut tamaasa atuarfiit unammisarsinnaangaluarput. Oqaluttuarisaaneq, matematik upperisarsiorneq il.il unammissutigineqarsinnaangaluarput.
7. klassemi Nuuk’s Internationale friskolemi atuartuuvoq ullunilu makkunani ungdomskommunalbestyrelsemi peqataalluni.
– Ajugaasut aningaasannassinnaangaluarput studierejse-mut atugassaminnik.
Victor Ilánguak´Lynge Pedersen aamma isumaqarpoq Kommuneqarfik Sermersuumi nunaqarfiit illoqarfiillu akornanni ikinngutigiit klassiannik pilersitsisoqartariaqartoq.
– Nuannissangaluarpoq nunaqarfiit illoqarfiillu allat paasisaqarfiginerusinnaasuugutsigit, Victor Ilánguak´Lynge Pedersen oqarpoq.