Akuersissut sunaava, tamannalu ilinnut qanoq isumaqarpa?
Qussummi/Narsarsuarmi – Nuup Kangerluata avannamut nunataa – akuersissuteqarfiit pillugit apeqqutissatit akissutisisinnaavatit, nunalu tamanna pillugu pilersaarutit paasisaqarfigalugit. Sumiiffik tamanna siunissami sukisaarsaatigalugu eqalunniartitsivissatut akuersissuteqarfiunissaanut siunniunneqarpoq.
Kommuneqarfik Sermersooq paasissutissiinissamut qaaqqusivoq ulloq 20. septembari nal. 19-21-p akornanni Katuami Ikinngutigiit Inaanni.
Tamanna pissaaq kommunimi pilersaarummut tapiliussap O9, Qussummi/Narsarsuarmi akuersissuteqarfiit pillugit tusarniuteqarnermut atatillugu.
Kommuneqarfik Sermersuumi Illoqarfimmik Inerisaanermut Immikkoortortamit oqaluttuarineqassaaq, sumiiffimmi pilersaarummut tunngaviusoq – suna akuerineqarpa sunalu inerteqqutaava, aammalu Inuussutissarsiornermut Nukissiuuteqarnermullu Naalakkersuisoqarfimmit akuersissuteqarfinnut tunngasunik neqeroortitseriaatsillu pillugit oqalugiartoqassaaq. Kiisalu soqutigisaqaqatigiit unammilleqatigiissut marluusut sumiiffimmut pilersaarutitik oqaluttuarissavaat.
Aaqqissuussaq oqalutseqarluni ingerlanneqassaaq.