Franskit imaani sakkutuuinit officerit Kommuenqarfik Sermersooq pulaarpaat
Ataasinngorneq 3. september, borgmester Asii Chemnitz Narupip franskit imaani sakkutuuini officerit Danmarkimilu franskit aallartitaqarfianeersut Nuummilu franskit konsuleqarfianeersut naapippai.
Franskit imaani sakkutuui, Nuup Ilulissallu akornanni Kalaallit Nunaata imartaani Arktisk Kommandup sungiusaqatiginissaanut atatillugu Kalaallit Nunaanniipput.
Lieutenant de vaisseau Sebastien Lemoine, angallammi Fulmarimi naalagaasoq Frankrigillu Naalagaaffimmut Danmarkimut Islandimullu Defence Attachétut atorfeqartoq Commandant Patrick Ratier aamma Frankrigip Danmarkimi aallartitaqarfianeersoq Astrid de Geyer d’Orth peqatigalugu, borgmesterip naapilaarnissaanut periarfissaqarsimapput.
Henrik Leth Kalaallit Nunaanni ataqqinaammik franskinut konsuliusoq ataatsimiinnermi aamma peqataavoq.