Innuttaasunut

Kommunimut pilersaarummut ilassutissatut siunnersuutit marluk tusarniutigineqarput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersooq kommunimut pilersaarummut ilassummut O9-mut siunnersuutit marluk tamanut tusarniutigai

Tusarniaarnermi piffissaq: 29. aggustimiit 24. oktobari 2018-ip

Kommunimut pilersaarummut tapiliussatut 09 Qussuk/Narsarsuaq, Nuuk siunnersuut pillugu

Siunnersuummi, kommunimut pilersaarummut tapiliussaq O9 Qussuk/Narsarsuaq, nunaannarmi immikkoortup ilaanik nutaamik immikkoortuligaq pineqarpoq, sukisaarsaatigalugu aalisartitsisarnermik akuersissutaatillit tassani qissattaammik eqqalunniartitsisinnaassallutik. Sumiiffik katillugu 5 km2-isut missaani annertussuseqarpoq, tassa Nuup Kangerluani avannarpasissumi Qussummi/Narsarsuarmi. Taammaarfissatut atugassianik immikkoortulersugaavoq, akuersissummullu ilanngullugu anginngitsunik illuaqqanik nappaasoqarsinnaavoq. Takornariartitsisinnaanermut akuersissutaateqarneq ima paasineqassaaq, sumiiffiup aalajangersimasup iluani takornariartitsinermi nioqqutissamik arlalinnilluunniit tunniussisinnaatitaasoq. Takornariartitsinermi sammisaqarnermut akuersissut pisinnaatitaanermik pigisaqartumut tunniunneqartarpoq.

Kommunimut pilersaarummut tapiliussatut siunnersuut Illut eriaginartut – Nuuk Illoqarfiup assinga

Kommunimut pilersaarummut tapiliussatut siunnersuut Nuummi illut eriaginartut kommunimut pilersaarummi Illoqarfiup assinga Nuummut tunngaveqalersinneqarnissaa, taamaasillunilu Nuummi illutoqqat kingornussat eriagineqarnissaasa nukittorsarneqarnissaat siunertaavoq. Taamaasilluni kommunimut pilersaarummut tapiliussaq aamma Illoqarfiup assinga Nuuk ingerlatsivimmut illunillu piginnittunut atorluagassaassaaq Nuummi illutoqqat kingornussat eriaginissaannut nukittorsarnissaannullu tunngatillugu. Kommunimut pilersaarummut tapiliussatut siunnersuummi Nuummi illut sorliit eriaginartuunersut, qanorlu aserfallatsaalineqartariaqarnersut pillugit inaarutaasumik aalajangersaaffigineqarput.

Siunnersuutit tusarniutinut isertarfimmi sermersooq.gl-imiittumi takukkit.