Ass.: Inatsisartut
Meeqqat illuanni Nuummiittumi pisortaasimasoq Torben Alne toqukkut qimaguppoq – 74-nik ukioqarluni.
Kalaallit Nunaanni meeqqat sumiginnakkat pillugit Torben Alne annertoorujummik suliniuteqarsimavoq. Ukiorpassuarnilu sulinermini meerarpassuit inuunermut nutaamut pitsaasumut ingerlanissaannut aqqutissiueqataasimalluni.
Torben Alne 1972-mi Kalaallit Nunaannut nuuppoq Nuummilu ilinniartut ineqarfianni atorfinilluni, tassanilu meeqqat pitsaanerusunik atugaqalernissaat qasusuilluni suliniuteqarluni.
1975-imi Meeqqat Illuat pilersinneqarmat pisortatut atorfinitsinneqarpoq. Inuppassuarnit nuannarineqarpoq. Meerarpassuit Meeqqat illuanni najugaqarsimasut inersimasunngornerminni ilaqutartaarnerminnilu angerlarsimaffikortik alakkartarsimavaat, Torben nulialu Ilse sulisullu ilassiartorlugit. Tulluusimaaqalutillu Meeqqat Illuanni ilaquttatik takornariartittarsimallugit.
2011-mi sølviusumik Nersornaaserneqarpoq, ilaatigullu tunngavilersuutigineqarpoq perorsaanermik suliaqarnermini kulturitta paasineqarnissaa eqqarsaatigalugu nunatsinnut piffissami sivisuumi annertuumik pingaaruteqartumillu tunniussaqarsimammat.
Inuppassuit eqqaamassavaat inuttut kissalaartutut, angalaarnermillu nuannarisalik. 2001/2002-mi ernini nukarleq ilagalugu Kisaq-mut ilaallutik nunatsinninngaanniit Caribiamut angalapput.
Ukiorpassuarni nunatsinni najugaqareerlutik nulianilu Ilse aalajangerput 2014-mi Danmarkimut uterniarlutik.
Torben Alnep qimatarai nuliani, meeqqani ernguttanilu.
Eqqaamaneqarnera ataqqinartuuli.
Asii Chemnitz Narup
Borgmesteri, Kommuneqarfik Sermersooq.