Nuummi Nuukullak 18-imi eqqumiitsuliortut sanaluttarfiat tallimanngorneq 22. juuni taaguutitaassaaq Ajagaq. Tassunga atatillugu kikkut tamarmik kaffisoriarnissaminnut tikilluaqqusaapput.
Ukiut pingasut matuma siorna sanaluttartut eqqumiitsuliortartullu Nuummi Nuukullak 18-imut ininut nutaanut isertersinnaasimapput. Maannamut sanaluttarfiup adressini taaguutigiinnarsimavaa, tallimanngorpalli pisortatigoortumik taaguuserneqassaaq – Ajagaq.
Tamanna pillugu Ajagaq soqutiginnittunut tamanut kaffillerpoq, kaffeqarlunilu kaageqassaaq tallimanngorneq juunip 22-anni nal. 11.00-15.00 akornanni sanaluttarfik kaffillerpat.
Sanaluttartut assigiinngitsut eqqumiitsuliornissaminnut periarfissaqartitaapput, assersuutigalugu tupilaliortoqartarpoq. Eqqumiitsuliortartut arlallit ukkusissanik tuttullu nassuinik suliaqartarput, allallu qisunnik allanillu kiinarpaliortarlutillu eqqumiitsuliortartut.
Kikkut tamarmik Ajakkami ininik atuisinnaatitaapput. Sanaluttarfimmiittalernissat soqutigigukku Ajakkami immersuiffissaq immersorsinnaavat.