Kommunimut pilersaarummut tapiliussaq 1A20-1 Kommuneqarfik Sermersuumi Kommunalbestyrelsimit juunip tallimaanni 2018 akuersissutigineqarpoq.
SIUNERTAQ
Kommunimut pilersaarummut tapiliussami suliassatut pilersaarummut »Qatanngutigiinnguit pingasut, Nuummi inissiat, Svend Jungep Aqqutaa« aallaavigalugu kommunalbestyrelsip apriilip qulingani 2018 akuersissutigaa.
Kommunimut pilersaarummut tapiliussami inissiat 60-it assigiinngitsunik angissusillit illunut pingasunut arfineq-marlunnik quleriilinnut agguataakkat Svend Jungep Aqqutaani illorsuit marlulissat eqqannguanni inissisimaffeqassapput.
Pilersaarutitut siunnersuuteqartoqarnera Nuummi akulikinnerusumik sanaartortoqarneratigut inissaaleqisoqarneranut iluaqutissiissaaq, tamannalumi Nuummi attanneqarsinnaasumik illoqarfimmik ineriartortitsiniarnermi pingaarnertut najoqqutaavoq.
Siunnersuummut illut akornanni illoqannginnersami naasuliviliornikkut (mistbænk), oqquiffissaliornikkut ujarassuarnik issortalersuinikkut nunagissaaneq ilaavoq.
INATSISITIGUT ATUUTSITSINEQ
Kommunimut pilersaarutip imaluunniit kommunimut pilersaarummut tapiliussap akuersissutigineqarnera tamanut nalunaarutigineqareerpat, Pilersaarusiornermut inatsimmi
§ 30 innersuussutigalugu kommunimut pilersaarummi aalajangersakkanut naapertuutinngitsunik inatsisinut naapertuutinngitsunik imaluunniit pissutsinik allanik pilersitsisoqassanngilaq.
AKERLILIISSUMMUT ILITSERSUUT
Kommunalbestyrelsip aalajangiinera pillugu akerliliissuteqarusukkaanni, tamanna Naalakkersuisunut saaffiginnissutigineqassaaq:
NAALAKKERSUISUT,
Aningaasaqarnermut Akileraartarnermullu
Naalakkersuisoqarfik,
Nuna tamakkerlugu
pilersaarusiortarnermut
immikkoortortaqarfik,
Postboks 1037, 3900 Nuuk.
Akerliliissummi saqqummiussap uuma saqqummiunneqarneraniit sapaatit akunneri arfineq pingasut qaangiutsinnagit tunniunneqareersimassaaq.
PILERSAARUT UANI TAKUNEQARSINNAAVOQ
Kommunimut pilersaarummut tapiliussaq kommunip nittartagaani sermersooq2028.gl, kommunimi innuttaasunik sullissivimmi imaluunniit Sanarfinermut
Avatangiisinullu ingerlatsivimmut oqarasuaammut 36 74 00-imut sianerluni saaffiginninnikkut pineqarsinnaavoq.