Naak sialleraluaqisoq anorlerlunilu Paamiuni meeqqat Meeqqat ulluat malunnartinniarlugu kommunip allaffianut pisuttuarput oqariartuutitillu Kommuneqarfik Sermersuumut apuukkiartorlugit.
”Nalunnguarneq nuannaraarput, naluttarfimmik!”. ”Atuarfik nutarterli”. ”Meeraasugut peqqinnartumik avatangiiseqarusuppugut. Atuarfipput pisoqalivallaaqaaq”. ”Meeqqap paarineqarnissani pisariaqartippaa aamma asaneqarnissani pisariaqartippaa.”
Ilaatigut taakku Kommuneqarfik Sermersuumi qinikkanut oqariartuutigineqarput. Kommunalbestyrelsemi ilaasortaq Henrik Rachlev meeqqanut takkuttunut oqalugiarpoq.