PISUSSAT ALLATTORSIMAFFIAT.
TALLIMANNGORNEQ MARSIP 16-IAT
NAPA
NAL. 17.00 – 20.00
NAPA – Nordens Institut i Grønlandip Multi Kulti 2018 ukioq manna ingerlanneqartussaq ammassavaa. Unnussiuaarnermut nuannersumut nunat avannarliit oqaluasaarutaat pillugit saqqummiussinermik ingerlatsiffiusumik taamatuttaaq Apunnguaq Schmidt guitarimik appisimaartoralugu ingerlanneqartussamut ornigugit. Unnussiuaarnermi kaffeqassaaq kaageqarlunilu taamatuttaaq NAPA-p aallussaanik takusassiisoqarumaarpoq.
NAL. 18.00 – 18.30
Steffen Heilmann nunat avannarliit oqaluasaarutaat pillugit saqqummiussissaaq.
NAL. 19.00 – 19.45
Apunnguaq Schmidt guitarerluni appissimaassaaq.
ARFININNGORNEQ MARSIP 17-IAT
Nunatta Atuagaateqarfia
NAL. 11.00 – 14.00
Nunatta Atuagaateqarfiani oqaluasaat tupinnartut. Meeqqanut atuagaateqarfimmi, inuusuttuaqqanut atuagaateqarfimmi inersimasunullu atuagaateqarfimmi nal. 11.00-imiit nal. 14.00-ip tungaanut nunanit tamalaanit oqaluasaarutinik tupinnartunik oqaluttuartut tusarnaariartukkit. Atuffassisoqarlunilu pinnguaatinik sammisaqartitsisoqassaaq. Kikkulluunniit peqataasinnaapput. Tamatuma saniatigut Aqipi pillugu oqaluasaartoqassaaq.
Naja Rosing-Asvidimit Aqipi pillugu pingajussaanik atuakkiami toornaaraq Aqipi ilisimasassarsiorluni angalaqqippoq. Atuakkamik pineqartumik Nunatta Atuagaateqarfiani marsip 17-iani saqqummiussinermut ornigutigit, tamatumani Aqipip angakkullu asimioqarfimmut ikiuukkiartuutigalutik angakkuersaariartorlutik pissanganartumik navianartumillu angalanerat pillugu oqaluasaartoq tusarnaarsinnaavat:
NAL. 12.00 – 12.30
Kalaallisut atuffassisisoqassaaq.
NAL. 12.30 – 13.00
Qallunaatut atuffassisoqassaaq.
Nuuk Center
NAL. 12.00 – 15.00
Ilaquttatit ilagalugit Nuuk Centerimut aqqusaarit. Nunarsuup assinga torsuusarsuarmi nivinngassavarput, nunarsuullu assingani inuiaassutsit nunalu ilisimasassarsiorfigalugulu misigisassarsiorfigiartorlugu tikikkusutatit nalunaaqutsersinnaavatit.
Café Toqqorfik
NAL. 19.00 – 22.00
Café Toqqorfik Multi Kultip ingerlanneqarneranut atatillugu arfinngornermi unnukkut ammassaaq. Café Toqqorfiup Multi Kultip ingerlanneqarneranut atatillugu imeruersaasiaanik aalakoornartortaqanngitsunik imeruersariartuutigalugit tivasut isiginnaariakkit.
NAL. 20.45 – 21.00
Tivasoqassaaq.
Nuutoqaq/Nuummi Katersugaasivik
NAL. 19.00 – 21.00
Nuummi Agiartartoqatigiit Hanne Saandvig Immanuelsen aqutsisoralugu Elvisimiit Disneymut erinnianik appisimaartut Nuutoqqamut tusarnaariartorsinnaavatit. Philippe, Noa aamma Najannguaq guitarerlutik agiarlutillu Spaniamiut erinniaannik appisimaassapput. Meeqqat inuusuttullu kalaallisuunik titartaajartorlutik qalipaajartorlutillu ornigussinnaapput. Unnussiuaarnermi Sinnattut suuppat? qulequtaralugu isiginnaartitsisut isiginnaarneqarsinnaapput, taamatuttaaq Tunu pillugu filimiliaq »Roots to Share« isiginnaarneqarsinnaassaaq. Iserneq akeqanngilaq.
NAL. 19.30 – 20.00
Nuummi Agiartartoqatigiit Hanne Saandvig Immanuelsen aqutsisoralugu appisimaassapput.
NAL. 20.00 – 20.45
Philippe, Noa aamma Najannguaq guitarerlutik agiarlutillu Spaniamiut erinniaannik appisimaassapput.
SAPAAT MARSIP 18-IAT
Illorput
NAL. 12.00 – 14.00
Innuttaasunut nunatsinneersunik nerisassianik mamarluinnartunik ulluinnarni nerisassiarineqarsinnaasunik ooqattaagassaqartitsilluta ukioq manna Multi Kulti naggasissavarput – tamatumani suleqatigiilluartut ukuupput: Greenlandic Foodlover/Anne Nivíka Grødem, Brugseni aamma Royal Greenland. Ooqattaagassaqartitsisoqarnerani atuakkamik aalisakkanik nerisassiornermut ilitsersuutinik imalimmik »Aalisa-Igasa-Nerisa« pinnatassaqarfiusumik unammisitsinermut peqataasinnaavutit taamatuttaaq nerisassiornermut ilitsersuutinik akeqanngitsunik angerlaassinnaasannik peqarumaarpoq.
NAL. 12.00 – 14.00
Taamaalisukkut Maria Paninguak Kjærulff siulersortigalugu Qalipaasarfik kikkunnut tamanut ammassaaq, tamatumanilu meeqqat inuusuttullu erfalasunik qalipaajartorlutik titartaajartorlutillu ornigussinnaapput. Immiussat NAPA – Nordens Institut i Grønlandip isiginnaagassiarisimasaanut tunngasut isiginnaarneqarsinnaapput. Illorput ullup ingerlanerani takusassarsiorfigiartorsinnaavat, siornalu Multi Kultip ingerlanneqarnerani saqqummiussat takusinnaavatit.
Immiussat NAPA – Nordens Institut i Grønlandip isiginnaagassiarisimasaanut tunngasut isiginnaarneqarsinnaasut ukuupput:
NAL. 14.00 – 15.00
Ordskælv (50 minutter)
NAL. 15.00 – 16.00
Iskrystalprinsessen (42 minutter)
NAL. 16.00 – 17.00
Nuuk Nordisk (25 minutter)