Kommunimut pilersaarummut tapiliussaq 1A1-5 Kommuneqarfik Sermersuumi kommunalbestyrelseip 9. januari 2018-imi ataatsimiinnermini akuersissutigaa.
Siunertaq
Kommunimut pilersaarummut tapiliussatut siunnersuut Namminersorlutik Oqartussat illunik
isatererusunnerat tunngavigalugu suliarineqarpoq, pineqarlutik B-461, B-462, B-1380, B-1381, B-1418, B-1419, B-453 aamma B-454 tamatuma kingorna ilinniartunut inissiat nutaat ullutsinnut naleqquttut qulit pingasunik sisamanilluunniit quleriillit taakkunnungalu atasut attaveqaatinut tunngasut sanatillugit.
Nutaanik illuliortiternermi illuliortaaseq eqqumaffigineqassaaq ilaatigut kommunip illuliortaatsimut politikkiani anguniakkanut naapertuutitinneqassalluni. Siunnersuutigineqarpoq, annertunngitsunik immikkoortukkuutaanik arlalinnik illoqarfimmut sanaartoriaatsinullu naleqqussakkanik sanaartortoqassasoq. Illut tamarmik immikkut sisamanik inissiartaqarput pingasunillu quleriiullutik.
Immikkoorutaassalluni illut sumiiffimmi immikkuualuttup sanimut silissusaata takivallaannginneranut naleqqussagaanerat, Kujallerpaani ilinniartunut inissiat pioreersunut naleqqussagaaneri kiisalu ilinniartunut inissianut sanaartorneqartunut kingullernut sisamanut assingusuussallutik.
Kommunimut pilersaarummut tapiliussami aamma sissaq atuarlugu aqqusineeraliornissamik pilersaarut sumiiffimmi aqqusineeqqamut attavilerlugu periarfissaatinneqarpoq.
Peqatigitillugu aamma kommunimut pilersaarummut tapiliussami siunertaavoq, siusinnerusukkut kommunimut pilersaarummut tapiliussaliani aalajangersakkat atuuttuujuartut tamaasa ataatsimut katersornissaat, taamaalilluni taakku kommunimut pilersaarummut tapiliussami ataatsimut allassimasuutigineqalersut atuarneqariaannagorlugit.
Inatsisinut tunngasut
Kommunimut pilersaarummut tapiliussassaq inaarutaasumik akuersissutigineqarnikoq tamanut saqqummiunneqareerpat, inatsisinut imaluniit kommunimut pilersaarummut tapiliussami aalajangersakkanut akerliusumik sanaartortoqarsinnaassanngilaq, Pilersaarusiornermut inatsit § 30 takuuk.
Pilersaarut uani atuarneqarsinnaavoq
Kommunimut pilersaarummut tapiliussaq Nunatta Atuagaateqarfiani atuarneqarsinnaavoq, kommunimi innuttaasunik sullissivimmi, kommunillu nittartagaani www.sermersooq2028.gl imaluunniit Sanarfinermut Avatangiisinullu ingerlatsivimmut oqarasuaammut 36 74 34-mut sianerluni saaffiginninnikkut pineqarsinnaavoq.
Oqaaseqaatit aamma akerliliissutit
Oqaaseriumasat, oqaaseqaatit akerliliissutillu 08.11.2017 nallertinnagu uunga nassiunneqassapput plan@sermersooq.gl.
Naammagittaalliuteqarnissamut ilitsersuut
Kommunalbestyrelsip aalajangiinera naammagittaalliutiginiaraanni, naammagittaalliuut Naalakkersuisunut saaffiginnissutigineqassaaq: Naalakkersuisut, Aningaasaqarnermut Naalakkersuisoqarfik, Pilersaarusiornermut Immikkoortortaq, Postboks 1037, 3900 Nuuk.