Illoqarfiup ilaanut pilersaarummut tapiliussaq aamma Nuuk City Development
Nuummi illoqarfimmik inerisaaniarluni pilersaarutit Siorarsiorfimmillu suliniutit, killiffimmut nutaamut ikaariartorput. Kommunimi pilersaaurit 37-it Nuummullu tunngaviusumik najoqqutassiaq nutaaq maanna tusarniutigineqarput. Tamanna ilutigalugu Kommuneqarfik Sermersuup illoqarfimmik inerisaanerimmi suliffeqarfiutini Nuuk City Development, illoqarfimmik inerisaanermi suliuniutinik ingerlatsisussaq pilersissimavaa.
Sisamanngorpat 16. november, nalunaaqutaq 16:30 Katuami ”Kommune ammasumut” peqataagit, tassani illoqarfiup ilaanut pilersaarut aamma Nuuk City Development annerusumik paasisaqarfigalugit.
Pilersaarut
16.30 Tikilluaqqusineq: Borgmester Asii Chemnitz Narup
16.40 Kommunimut pilersaarummut tapiliussaq. Qanoq sunniuteqassappat: Planchef Bilo Høegh Stigsen
17.00 Kommunimut pilersaarummut tapiliussaq pillugu apeqqutit
17.10 Nuuk City Development A/S. Suliffeqarfiup siunissami suliassai: Pisortaaneq. Jens B. Frederiksen
17.30 Nuuk City Development A/S-imut apeqqutit
17.40 Politikerinut apeqqutit: Borgmester Asii Chemnitz Narup aamma Sanarfinermut Avatangiisinullu Ataatsimiititaliamut siulittaasoq, Malene Lynge.
Kikkut tamarmik tikilluaqqusaapput