Sisamanngornermi 23. november, ukioq manna ilungersuussilluartut Nuuk Centerimi nalliuttorsiorpalaartumik toqqarneqassapput. Aaqqissuussineq nalunaaqutaq sisamat qeqqaniit tallimat tungaanut ingerlanneqassaaq, ingerlanneqarneranilu Malu & Rita band aliikkusersuissapput.
Ukioq manna Ilungersuussilluartutut toqqangaasut scenemi ilisaritinneqassapput pinnattaatillu tigulligit.
Peqataagit Kommuneqarfik Sermersuumillu nakuusortagut tapersersorlugit.
Aaqqissuussinerup ingerlanerani akeqanngitsumik kaageqassaaq, kaffi, te imerlu.
2017-imi Ilungersuussilluartumut nersornaasigassamik innersuussisut tamarmik iPad-imik eqquiniaatitsinermi makitseqataanissamut periarfissasqarput. iPad-imik eqquisoq Nuuk Centerimi aaqqissuussinermi aamma makinneqarumaarpoq
Ilungersuussilluartumut nersornaat
Nersornaat ukioq manna Kommuneqarfik Sermersuup, innuttaasumut kommunimi inunnut allanut iluaqutaasumik immikkuullarissumik iliuuseqarsimasumut tunniutissuaa. Ilungersuussissulluartutut nersornaammik tigusisussatut naatsorsuutigineqassagaanni iliuuserisimasat, illoqarfimmi, nunaqarfimmi kommuniluunniit tamaat isigalugu inuiaqatigiit ataatsimoornerannut iluaqutaasimassaaq. Ilungersuussilluartup suliarisimasai inuussutissarsiornermiissapput, kultureqarnermi inunnilluunniit isumaginninnermiissallutik.